2
0
0
以上資料只供參考, 請與餐廳確認詳情
招牌菜
天氣凍, 朋友喜歡圍埋食宵夜, 吹吹水, 打打邊爐。工作過後, 朋友已訂好位吃未吃過的餐廳。這家維康(錦漢), 在沙欄仔街上, 其實並非去到筷子基。只要你知道十月初五街上, 轉角位的黃枝記老店, 在往白鴿巢的路上, 背向白鴿巢行幾個鋪位就到。餐牌簡單, 主打乳豬海鮮煲。老闆好有禮貌, 但也有態度, 十點多鐘坐下, 好彩朋友預先訂好位訂好菜。否則全店又告售罄。在吃的期間, 多次有人進店, 只聽大聲一句: "賣晒!"乳豬海鮮煲用上多種海鮮, 水蟹, 花甲, 蜆仔, 蝦等, 有辣有唔辣! 辣煲多了香茅如冬陰功的香辣風味, 惹味更好。鍋底裝有乳豬件, 底下炆腍, 鬆化好味。不過建議鍋底蜆肉要好食, 不然肉質變韌。一個煲MOP400有找, 兩個到三個人吃, 基本上不用加料。但是朋友一向客氣, 再來十隻象拔蚌仔。只需於鍋中灼四十秒左右, 離殼即食, 清甜香滑, 有彈性。另外一款, 滑牛也是不錯。沒有鬆肉醃爛, 肉有質感, 也有牛味, 雖不如黃牛精闢美味, 但自覺比肥牛好, 也很不錯。脆肉腩件, 味淡爽口, 算是可以。墨魚滑攪成丸狀上桌, 魚滑夠黏, 乒口1有彈性, 只是鮮味少了一點。最後吸盡湯中鮮甜的精華, 來個冬瓜片。辣湯吸入, 惹味可口; 清湯吸入, 鮮甜不膩, 是個極稱心的選擇!
繼續閱讀
終於等到openrice放維康的資料了, 我也終於可以寫下食評了...此店只是一間不起眼的小店, 好在店內環境都算清潔店內餐牌我地三個女仔只叫了一鍋乳豬海鮮鍋, 都已經好足夠了!!份量真的好多, 有青口, 蜆, 蝦, 蟹等海鮮, 只是乳豬就比較少, 不過就好多什菇, 不錯!!老闆招呼也不錯, 不停提醒我地可以先食那種海鮮, 幾時蟹才可以食, 又會不停走過來睇下鍋內有無湯等...
繼續閱讀