7
1
0
電話號碼
2896 7899
營業時間
星期一至日: 18:00-02:00
付款方式
現金
其他資料
Wi-Fi
深夜營業
酒精飲品
送餐服務
加一服務費
招牌菜
大盤魚 火焰炆鵝 冬瓜粥底火鍋
食評 (9)
見習食家 2016-09-24
107 瀏覽
其實冇乜特別野食,火鍋料品種少。雖然手撕雞幾出名,但因為系日本芥辣口味,吾系個個人啱食。不過安格斯肥牛同卜卜蜆價錢合理,味道吾錯。最差ge就系蝦滑同墨魚滑,完全食吾到蝦味同墨魚滑,一d彈性都冇仲好粉,真系好垃圾。呢間野吾會再come back。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-09-19
324 瀏覽
依間餐廳唔係個個都知,我都係澳門當地人介紹先識去!依間餐廳主要係打邊爐,幾乎每台客都會叫依度嘅招牌鍋底「卜卜蜆」,超級大個鍋入面舖滿大大小小嘅蜆,清湯加左大量蒜頭仲有小小辣椒同芹菜粒,湯底超級清甜!睇住個鍋慢慢滾,d蜆逐粒逐粒「卜卜」聲打開,睇見就興奮!d蜆勁新鮮加上大量蒜頭食落辣辣地好正呀,值得一讚嘅係d蜆係一粒沙都冇!咁足料又好味嘅鍋底價錢仲要好抵,咁大鍋蜆都係$158咋!食晒d蜆之後就可以加火鍋料打邊爐啦!另一個招牌菜係「Wasabi手撕雞」,唔係講笑依碟手撕雞一食就會停唔倒口!因為真係太好味!雞肉混合左海蜇,芝麻,芋頭絲,芹菜,辣椒絲,而醬汁中混合左wasabi,半隻雞已經咁大碟!雞肉本身好嫩滑,加上芝麻,辣椒絲同wasabi食落勁野味,wasabi貢鼻得黎好刺激倒味蕾,令人食慾大增!再加上有海蜇同炸香左嘅芋頭絲,爽爽脆脆,令成碟雞口感更有層次,依個配搭簡直人間極品,令人回味無窮呀!除左招牌菜之外,依間餐廳嘅火鍋配料都好抵食,而且勁大份又新鮮!依碟帶子勁厚肉,勁鮮甜!最大碟都係二百蚊左右! 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-07-04
1366 瀏覽
特登搭的士黎食依間穩世卜卜蜆,好左有位咋唔好白行,最好黎之前都係先預約,間野都幾Full。卜卜蜆 - 成鍋都好放滿蜆,跟住見佢一隻一隻咁熟,跟手"卜"一聲打開,就成了依個卜卜蜆,當然見佢成鍋都係花甲同蜆,湯底又點會唔甜喎,不過呢小弟都係覺得生蒜頭落得有點過量,蒜味多過蜆既鮮味,不過呢視覺官感上都係一種震撼。豬肉滑併蝦滑 - 順手叫左兩個肉滑烚下烚下,新鮮即烚最似既感覺得生滖肉丸粥,好滑而又少少牙,又唔會怕煲得耐散晒同無晒味。其實我係有強迫症脆辣雞 - 果然係三大鎮店之寶,十分香脆、十分惹味、少少辣,而宜炒得好干身,唔覺太油膩,真係好好食。 繼續閱讀
(以上食評乃用戶個人意見 , 並不代表OpenRice之觀點。)