2
0
0
電話號碼
2884 0280
營業時間
星期一至日: 18:00-03:00
付款方式
現金
其他資料
深夜營業
酒精飲品
室外座位
電視播放
食評 (2)
新晉食家 2014-10-16
1098 瀏覽
我老公成日同同事來呢間食,我叫佢搵次要帶我去試琴晚佢終於帶左我去試平日7點前入座無乜人,又免加一任食放題 $258,都好多款揀,  食物質素都好高落單點野好快送到(仲要新加左一張ORDER 紙,老公話之前無GA~~我有口福LA!!)$80任飲特飲,啤酒特飲叫左可爾必思同青檸梳打,2杯都好好味老公就叫啤酒燒緊個時可以叫定魚生,炸物食住先職員幫我地燒左一部份, 火喉啱啱好,好味道呀我地可以邊食邊傾~~真係好好服務!!!我地就成日怕唔熟,好多時燒過隆....有職員幫手燒,唔駛成日燒燶食得更加滋味職員又好幫得手, 反應速度好快,問佢野, 佢地唔識, 即刻搵第二個來幫手解答又好勤力幫手換碳同個網係貴左少少, 但服務和食物質素都加晒分搵日再去任食過先得 繼續閱讀
(以上食評乃用戶個人意見 , 並不代表OpenRice之觀點。)
資深食家 2013-04-10
563 瀏覽
復活節是每年難得假期,今年更要連放四天,唔洗講野一定係去澳門玩番轉。當中每天也是飲飲食食,亦試了不少新店,當然要介紹俾各老友記﹗試了今期Utravel也介紹剛開業的氹仔炭火烤肉店「舉杯」。烤肉專門店,聽個名好似幾勁﹗地址在氹仔,真係想去試下便問我攞吧﹗7:00pm來到,也許是新開關係,門口還是貼著試業中,雖然復活假期第一天也不太多客人﹗唔知大家有無去過台北?台北有間好出名既烤肉店叫「乾杯」 (有平有貴,是貴的那一間)。我同食家幾年前都去過,呢間「舉杯」既裝潢有少少令我倆憶起在那店的感覺﹗店分吸煙及非吸煙區,以玻璃分隔,體貼﹗待應相當識做,一坐低已問我地飲咩,酒鬼今諗住不醉無歸﹗梗係飲酒啦﹗大的Hoegaarden $60﹗酒吧價﹗吸煙區打開窗營業,故雖燒炭又有人食煙,但都完全唔焗。至於我地坐邊就大家估下吧﹗先聲明,這店並不是什麼抵食推介。但食材新鮮,連熟食的質素也很不錯,我倆覺得吃得開心所以推介俾大家﹗和牛我地就食唔起喇,於是試試佢地美國安格斯西冷扒﹗$195﹗我地係炭火僻好者,因為這店最令我地滿意的當然是這店是燒炭啦﹗以炭烤出來的食物比電爐更天然又帶朕朕炭香,故特別好味﹗黑豚肉,$60有五片﹗味濃多汁,最後點了三碟﹗雞翼,$40 4隻,只以海鹽加少少黑椒調味,烤後皮脆肉嫩,簡單卻美味﹗這個是日式蟹子餅﹗$40﹗烤後皮脆彈牙,幾得意﹗四個人,真係食唔停,由頭放到尾﹗想說這兒的抽風也做得很好,就算在玻璃房內也不覺有炭味及油煙﹗原隻烤魷魚,$70﹗原味關係,可以在烤前自己灑點點蒜鹽,吃時會更惹味﹗烤豚肉,這個炭爐下層有氣門可以調節火力,大火小火自己搞掂吧﹗除了自己燒的食物外,這兒也有不少佐酒小吃。雞軟骨連點好幾碟,烤得真恰到好處,百吃不厭﹗燒鵪鶉,一份$40,細細隻卻味濃,值得一試﹗美國的安格斯牛扒﹗我先將佢剪開﹗剪成一條條慢烤,更易掌握生熟程度﹗烤至六成熟,牛味濃郁,夠哂JUICY,大家也說味道很不錯呢﹗貴得來也值得﹗正﹗這份銀鱈魚成$120,我不吃魚但在座所有同行人都話超滑溜美味,必吃推介﹗細支裝啤酒$40支,6支就$180,酒吧價錢,最後飲夠兩set先埋單﹗食材新鮮,待應們招呼周到,雖然價錢略貴了點但環境給人感覺輕鬆,吃得熱鬧開心,一行四人也齊聲下次來澳門會再幫趁﹗埋單每人$350,酒水飲得多惹的禍﹗哈﹗(之前有介紹過的水上街市蟹粥已搬了地點,密切留意下篇推介﹗) 繼續閱讀
(以上食評乃用戶個人意見 , 並不代表OpenRice之觀點。)