4
0
0
以上資料只供參考, 請與餐廳確認詳情
見餐牌名下面寫住海南雞冰果樂,實係主打呢兩樣啦,便試了海南雞飯:超級一般,完全未達到水準,榴槤沙冰:超級好味(因為它,之後又去了第二次)青咖喱飯,香茅雞飯都ok,唔錯燒豬頸肉同泰式炒通菜,都ok中式菜,三杯雞,真係好唔掂,中式菜唔建議試.
繼續閱讀
尋日(星期日)同老婆中午唔知食乜好，行行下見到有間野叫「爸比龍海南雞冰菓樂」，見個名咁特別就走過去睇睇啦，一經過門口，超香！睇埋價錢牌之後，諗都唔洗諗就走左入去，試左先算。點左：綠咖哩排骨飯(跟湯)MOP33.00，泰式冬陰雞泡飯MOP35.00，2個柬埔寨水果冰MOP28.00。綠咖哩排骨飯(跟湯)：一送過黎就聞到好香，試一啖個汁，充滿椰香，唔怕太辣，送飯一流(可惜碗飯唔夠我食)，排骨完全無雪味，而且份量十足，正！個胡椒冬瓜湯都好好飲，清得黎好有胡椒味，不過實在太細碗，唔夠喉......泰式冬陰雞泡飯：老婆勁讚，辣得黎唔怕嗆，雞又夠多，而且肉質鮮嫩，質素拍得住D所謂好出名ge泰國餐廳，推介！2個柬埔寨水果冰：1個芒果+香蕉+芭樂，1個芒果+蘋果+芭樂，即叫即做，飲落去仲有新鮮果肉，底飲！總括黎講都非常唔錯，2個人一舊水有找，接近物超所值ge階段，一定會再去！
繼續閱讀
之前朋友介紹去呢度食飯，咁昨日中午同屋企人去試試啦！3個人，叫左：豬手飯﹑海南雞飯﹑冬陰雞湯飯﹑涼瓜煎蛋﹑春卷，一個飯唔要湯改水果冰。媽咪話豬手飯OK，唔怕太林，有咬口！就咁食有少少咸，但撈埋個豬手酸辣汁就一流！海南雞飯比想像中好食！雞好滑，飯好香！個胡椒冬瓜湯比其他地方好飲，有D飲落似白開水，但佢呢個夠味，不過就細碗左D...冬陰雞湯飯簡直係一流，個湯好飲到呢！我成碗飲晒lor！重點推介呀！涼瓜煎蛋唔錯，配埋個酸汁又幾OK；春卷都唔錯，係越南既米紙包ge！湯唔要＋8蚊改左一杯水果冰，事頭婆介紹左蘋果＋龍眼，味道出奇咁夾！炎炎夏日行到慶飲番杯又真係好爽ge！埋單＄142！地方唔錯，算乾淨舒服，不過好難搵車位！總括來講係抵食之選！會再去！
繼續閱讀
天寒地凍又肚餓，放咗工嗱嗱林走去揾飯食，很自然走咗入去爸比龍，點咗老板娘介紹嘅新出品「滋補雞泡飯」同埋即磨咖啡，果然係好介紹，泡飯熱騰騰，好香又好味，連雞骨都想食埋！！吃完碗泡飯，成个人暖笠笠，歎埋杯咖啡，好香！簡直係正！一定會再來食！
繼續閱讀
您可能會有興趣的...