33
17
8
卓越食家
今(6-1-2013 Sun)日同男友睇完佢養母後,想去尖沙咀搵街坊廚神食四方介紹專賣瑞士卷o個間,可惜我臨出門口前o係Openrice搵唔到,問朋友佢又唔記得同我講過.L唯有自己搵啦.男友就只記得我o地有次行過呢間睇啲o野食,我o地今次o黎到睇,佢睇中o左$128.00o既豹紋和栗抺茶卷,咁貴,考慮吓先啦.但我見到一個$28.00o既,個樣好靚好吸引o既波森莓吉士軟心蛋糕,就想試呢個,咁就提議同男友買o黎坐o係o度食tea.男友夾o左同樣$10.00o既綠茶紅豆忌廉包同草莓香橙丁英式鬆餅各一,要$28.00o既熱Mocha.我就要o個個蛋糕同$20.00o既凍奶茶.畀錢至知叫一個$28.00或以上o既自選件裝西餅加飲品就係一個餐, 凍奶茶就只收$11.00,即係$39.00.除o左男友o既兩個包自己拎埋位外,其他o既都等佢o地拎o黎.o係等o既時候,我o地先食綠茶紅豆忌廉包,呢個包成個都係綠茶包,內裡包住紅豆蓉同白忌廉,包身唔算好軟熟,綠茶味淡淡唔太濃,但唔苦.而紅豆蓉係冇晒粒粒,真係蓉o黎,紅豆味香但唔太甜,幾好.食食吓,男友杯熱Mocha到o黎,個樣咁似McCafe o既?男友話
更多
今(6-1-2013 Sun)日同男友睇完佢養母後,想去尖沙咀搵街坊廚神食四方介紹專賣瑞士卷o個間,可惜我臨出門口前o係Openrice搵唔到,問朋友佢又唔記得同我講過.L唯有自己搵啦.

男友就只記得我o地有次行過呢間睇啲o野食,我o地今次o黎到睇,佢睇中o左$128.00o既豹紋和栗抺茶卷,
咁貴,考慮吓先啦.

但我見到一個$28.00o既,個樣好靚好吸引o既波森莓吉士軟心蛋糕,就想試呢個,咁就提議同男友買o黎坐o係o度食tea.

男友夾o左同樣$10.00o既綠茶紅豆忌廉包同草莓香橙丁英式鬆餅各一,要$28.00o既熱Mocha.我就要o個個蛋糕同$20.00o既凍奶茶.畀錢至知叫一個$28.00或以上o既自選件裝西餅加飲品就係一個餐, 凍奶茶就只收$11.00,即係$39.00.

除o左男友o既兩個包自己拎埋位外, 其他o既都等佢o地拎o黎.

o係等o既時候,我o地先食綠茶紅豆忌廉包,呢個包成個都係綠茶包,內裡包住紅豆蓉同白忌廉,包身唔算好軟熟,綠茶味淡淡唔太濃,但唔苦.而紅豆蓉係冇晒粒粒,真係蓉o黎,紅豆味香但唔太甜,幾好. 食食吓,男友杯熱Mocha到o黎,個樣咁似McCafe o既?
男友話呢杯係正常o野,朱古力味總被咖啡味蓋過晒.

之後我o既凍奶茶到o黎,但點解我o個個只剩兩件o既蛋糕唔係一齊拎o黎?我開口問至拎畀我,呢點有啲奇.

終於拎o黎喇,不過我o地先繼續試草莓香橙丁英式鬆餅,呢個食到點點橙味,但好似冇乜草莓味,而鬆餅一啲都唔鬆,實實地,唔係幾得. 而我杯凍奶茶呢?(原來我唔記得影相),只加o左少少奶同糖水,顏色都已經好淺,心諗茶味一定都係唔夠濃,飲吓先,果然係.

之後食埋我件靚靚波森莓吉士軟心蛋糕, 面上銀色珠珠係糖,都幾硬吓,面上粉紅色o既波森莓奶油,以為佢係硬掘掘,但原來唔係,佢質地好滑, 而波森莓味唔係好濃,淡淡地又唔太甜.

食到下面o既吉士軟心蛋糕,未食到中間時,覺得佢濕濕地同腍腍地,而一粒粒o既草莓乾呢,我食唔到有草莓味,甚至食o既時候都感覺唔到佢o既存在.食到中間時,就發現吉士餡,吉士餡食唔到蛋味,有啲遜色, 不過總括而言,呢個係成個tea中最好食o既.

環境:
好闊落,舒服,凳係黑色歐洲風,有啲豪華感.

服務:
侍應盡量都唔想客人自己拎o野坐低食,但除o左上面講冇自動拎件蛋糕畀我外(件蛋糕o係個櫃入面 ),亦都唔識自動拎埋刀叉畀我o地,呢點要改善吓.

味道同抵食分都係2.8分
張貼
評分
味道
環境
服務
衛生
抵食
用餐日期
2013-01-06
用餐途徑
堂食
人均消費
HK$43.50 (下午茶)
推介美食
  • 似溶o緊雪o既忌廉
  • 波森莓吉士軟心蛋糕
  • 滑滑o既波森莓奶油
  • 正中間深色啲o既係吉士
  • o係櫃入面o既波森莓吉士軟心蛋糕