更多
2011-12-12
129 瀏覽
好難得可以嚮一個周四o既下午約齊幾位知己玩伴去嘆番餐慢慢hea… 老友早前提過想黎The Chocolate Library試試…睇下個景同佢地個Chocolate Afternoon Tea有幾出眾?!...順佢意思打黎酒店問下, 從職員口中得知The Chocolate Library已改名為Café 103, 除繼續供應原有o既朱古力下午茶外, 亦提供下午同晚上兩個buffet時段… 最後決定選擇試Lunch buffet, 貪佢比tea set食物較多樣化, 但價錢又差吾多…而且有不變o既維港靚景嘛!! 哈!!...成人每位$280+10%服務費…供應時間由中午12點到下午2點… ICC哩個香港新地標有多宏偉吾駛講…位於103樓, café屬於閣樓餐廳, 格局係長廊式, 沿欄設置一排餐檯, 就似坐嚮露台o既感覺, 可居高臨下望到102樓o既Tosca意大利餐廳, 透過兩層高o既落地大玻璃窗, 遠眺整個港島維港景致…自然光充裕, 心曠神怡!!...整體面積吾算大…行到餐廳盡頭就有幾檯梳化位…係較貼窗o既位置…安樂舒適…用o既餐巾亦係made in Italy…真好!!嘻!! 專業
老友早前提過想黎The Chocolate Library試試…睇下個景同佢地個Chocolate Afternoon Tea有幾出眾?!...順佢意思打黎酒店問下, 從職員口中得知The Chocolate Library已改名為Café 103, 除繼續供應原有o既朱古力下午茶外, 亦提供下午同晚上兩個buffet時段…
最後決定選擇試Lunch buffet, 貪佢比tea set食物較多樣化, 但價錢又差吾多…而且有不變o既維港靚景嘛!! 哈!!...成人每位$280+10%服務費…供應時間由中午12點到下午2點…
ICC哩個香港新地標有多宏偉吾駛講…位於103樓, café屬於閣樓餐廳, 格局係長廊式, 沿欄設置一排餐檯, 就似坐嚮露台o既感覺, 可居高臨下望到102樓o既Tosca意大利餐廳, 透過兩層高o既落地大玻璃窗, 遠眺整個港島維港景致…自然光充裕, 心曠神怡!!...整體面積吾算大…行到餐廳盡頭就有幾檯梳化位…係較貼窗o既位置…安樂舒適…用o既餐巾亦係made in Italy…真好!!嘻!!
專業服務, 有禮有效率…自助餐桌分開4, 5小檯…對正開揚大門接待處就係高身o既多層甜品架…食物種類精巧質優, 頭盤同甜品選擇多, 熱葷則有簡單o既6,7款…
Salad Bar有棵棵新鮮沙律菜, 刨到靚靚o既胡蘿蔔, 白蘿蔔同青瓜薄片…幾乎覺得擺放得整齊太靚似裝飾, 吾想搞亂佢! 哈!…仲有溫室豆苗仔…配有4, 5款沙律醬…
冷肉除普通火腿, 風乾咸火腿外…較特別有自家製鵝肝餅, 記得試試!!...仲有8,9款醃物, 好似各類檻欖同果子…有D都叫不起名堂, 其中試左一隻彊味杏桃肉…味道獨特亦可口!!...
特式冷盤開胃菜…首推海鮮碗包括鱈場蟹腳+帶子+大蝦!!...肉鮮味清怡, 加少許沙拉醬調調亦滋味; 其次有香草番茄大蝦, 好爽口彈牙!!…雜菌沙律…煙鴨胸亦ok!!...水牛芝士青瓜番茄沙律夠清新!!…煙三文魚只一般, 吾夠軟潤; 而蜜瓜配火腿亦相當美味…尤其係是日供應o既橙色蜜瓜清甜到漏…夾埋優質靚火腿片, 咸甜相撞效果極佳, 食左兩碟呢!! 讚!!…亦有試左個中式o既雞絲粉皮, 粉皮露嚮空氣中太耐都會變得較乾, 影響質素…
另一檯則有數款軟硬芝士…配搭有梳打餅同各款麵包…個人喜歡硬法包…朋友仔則鍾意軟身提子包; 雜菌忌廉湯夠濃郁菇味香, 附設細片香蒜多士同食添香口…
熱菜只數款但亦中西兼備…量係其次, 最緊要合心水同味道出色…
燒蜜味火腿…一般吧! 肉質結實但蜜味濃D好, 加上gravy有D過咸…薯蓉既普通又脹肚但真係好味道, 讚!!!...烤瓜蔬裏有青黃瓜茄子露筍三色椒, 色彩豐富又健康…特別稱讚亦有[b]豉汁炒鮮魷魚, 嫰口惹味!!...乾燒伊麵就比較軟同埋淡左D…魚塊同清湯浸時蔬(有枸杞子!)就冇試…
時間差不多…係時候去進攻甜品櫃…嘻嘻!!...10多20款總會選到心頭好…!!
一致讚賞有鮮芒果布甸, 有新鮮果肉同果汁, 布甸滑滑味道香濃, 食左兩杯啊!!...朱古力慕司如絲細滑, 面頭o既朱古力醬香軟濃郁, 有即時充電o既感覺!!...其次亦喜歡好似一粒酒瓶水松塞模樣o既咖啡慕司撻…咖啡味足外, 中間有些少焦糖脆脆的, 口感特別!!.....紅桑莓白朱古力慕司紅白相間o既配搭夠亮麗, 面頭更放有金萡…賣相靚靚之餘…味道酸酸甜好醒胃!!...
朱古力貝殼蛋糕質地粗粗, 朱古力味亦吾算濃, 一般咋!…荔枝脆tart口味較旱有, 偏甜但不防一試!!...如特別鍾情法國蛋白杏仁餅macaroon的, 源源不絶有多款口味任擇…吾似早前去The Market咁講明每位客人只可要一個…anyway, 試左二三款口味, 有朋友愛橙味, 亦有的話太甜…自己則唯獨愛青色的, 裏頭杏仁味特濃!!...又食左兩件!!
芝士蛋糕就軟身到快企吾住陣腳, 講質感就麻麻, 曲奇低層脆脆, 蛋糕味還好but吾特別推介!!...亦有四五款朱古力, 當滿以為佢地D朱古力一定高質素香濃軟滑之時, 原來事實係相反喎又!!冇一粒可帶來驚喜o羅!!...
嘩!!甜品食到超晒標, 仲有幾款試吾齊呀!!
餐茶點左Cappuccino…質優滿意!!... 菠蘿西瓜今日吾要…食左大量抗氧化能力高可美白美顏o既草莓, 藍莓&紅桑莓…!!...感覺真好!!
雖然話供應時間到2pm…服務員亦冇催促之意…我地埋單後可閒著傾談到3pm…見有afternoon tea客開始進場先離去…
E+好多酒店lunch buffet都同樣叫價廿百多元一位甚至更高…論哩度環境, 食物同服務水平, 這二三百元著實俾得過…有機會再來!!
張貼
