更多
2016-08-04
17002 瀏覽
又同媽咪食lunch buffet 呢幾日無啦啦想食蠔同蟹腳(不過其實我從來都唔係話鍾意食呢兩樣野) 所以又乘機搵buffet食 諗住又唔係成日食想食間高級d既 原本訂左cafe on m但原來平日無生蠔 之後諗過cafe marco/倚窗閣 見倚窗閣平10幾蚊又近d就揀左倚窗閣倚窗閣個環境真係極大 我諗真係坐到4,5百個客唔係講笑 服務方面覺得d廚師好nice 但d侍應就有點差(可能係我小心眼掛 又或者之前去果幾間服務太好haha)食物方面 以為咁貴d菜式會特別d有心思d 以為沙律冷盤會唔會有牛油果沙律溫泉蛋啊 熱盤會唔會有千層麵蒸魚煎魚果d 但原來只係貴在生蠔同蟹腳 事實沙律冷盤d款式極度hea 熱盤都係普通菜式 174蚊既柏景餐廳同194蚊既尚廚既熱盤仲有心思過佢 海鮮冷盤淨係為左想食生蠔同蟹腳既黎食就會覺得好抵 因為生蠔唔知點解係從來無人排隊!!!!!(之前去逸東 d蠔就算唔係即開d人都狂搶)有個廚師派每次派2隻 話係紐西蘭蠔黎 都幾大隻啊 不過上星期去尚廚食即開生蠔明顯鮮d甜d長腳蟹又係refill得好快 撩到好多肉 仲有兩款青口格離就係兩款用碟仔裝住既冷盤 一款係一舊切到好
倚窗閣個環境真係極大 我諗真係坐到4,5百個客唔係講笑 服務方面覺得d廚師好nice 但d侍應就有點差(可能係我小心眼掛 又或者之前去果幾間服務太好haha)
食物方面 以為咁貴d菜式會特別d有心思d 以為沙律冷盤會唔會有牛油果沙律溫泉蛋啊 熱盤會唔會有千層麵蒸魚煎魚果d 但原來只係貴在生蠔同蟹腳 事實沙律冷盤d款式極度hea 熱盤都係普通菜式 174蚊既柏景餐廳同194蚊既尚廚既熱盤仲有心思過佢
海鮮冷盤
淨係為左想食生蠔同蟹腳既黎食就會覺得好抵 因為生蠔唔知點解係從來無人排隊!!!!!(之前去逸東 d蠔就算唔係即開d人都狂搶)
有個廚師派每次派2隻 話係紐西蘭蠔黎 都幾大隻啊 不過上星期去尚廚食即開生蠔明顯鮮d甜d
長腳蟹又係refill得好快 撩到好多肉
仲有兩款青口
格離就係兩款用碟仔裝住既冷盤 一款係一舊切到好細既豆腐上面加幾粒蟹子(極hea) 一款就係冷麵(得冷麵汁無其他配料)
格離就係刺身 有三文魚鯛魚希靈魚鯖魚蟹子 切到條狀咁
對面有張台仔 有4款所謂整好既沙律
1.薯仔沙律 薯仔撈埋d沙律醬
2.薯仔吞拿魚沙律 薯仔沙律d薯仔加埋罐頭既吞拿魚
3.淨粟米粒 應該都係罐頭
4.有d辣汁既既長通粉撈埋d西蘭花同椰菜花 但西蘭花同椰菜花上面係無辣汁既 總之真係極度hea 見到真心嬲嬲地
格離再有水果(西瓜蜜瓜火龍果蘋果橙 d蘋果好靚)同3款芝士(唔識邊隻打邊隻 但有隻要用刀筆既勁好味)
再格離有張台放左6款沙律菜 X翠苗同埋3款生菜同埋紅蘿蔔絲同埋青瓜 好多醬汁揀 熱盤
即整燕窩粥 配料有皮蛋龍利柳燕窩仲有幾款唔記得左
幾好味但唔識分有冇燕窩味
格離係切肉有牛同豬
之後有老水雞翼,魷魚蘇,切開一半既烚薯仔上面加d蕃茄
青咖哩牛肉,無骨烤雞,摩囉飯(好靚啊 但食唔出有乜特別).印度烤餅,油雞,咖哩椰菜花(可能d椰菜花比人夾埋 見到得返d薯仔)叉燒,豬仔骨,燴海鮮(青口龍利柳仲有雞肉),燒賣,漢堡扒,雞肉上面有隻蝦仁,粉絲蒸蝦,蛋白炒飯 湯就有海鮮周打湯同合掌瓜湯
我鍾意食雞 佢有4款菜式都係雞 其實都岩我食 都好好味啊d雞 但我覺得d菜式同200蚊樓下既buffet無乜分別 好普通無乜誠意 甜品
即整水果刨冰 個廚師會刨杯冰比你 之前比你自己加配料
都幾多配料,有芒果紅豆西米 椰汁糖漿都有 整杯紅豆冰都得
仲有即整梳乎厘同pancake 雪糕有dreyer4隻味可以揀甜筒(有2隻size)同杯
都係果d蛋糕款式 牛奶燉蛋白,芒果布甸,豆腐花,特別在有蜂巢食
有6款麵包,有杯咖啡機識自動整唔同種類咖啡 latte都得
總括以言 由於發現自己都唔係咁鍾意食生蠔蟹腳 而其他食物款式又hea 加上服務又幾差 所以呢次自助餐唔太岩我心水 什至有d後悔黎食 但如果一心想黎食生蠔蟹腳其他野wfc既黎食應該會好滿意!!!!!但其實如果唔要蟹腳 逸東都有生蠔攞(不過要爭餐飽既) 熱盤質素都差唔多 沙律款式有誠意好多仲有煙三文魚添 仲要平成100蚊 應該唔會再黎食啦 下次試下mr steak先
張貼