更多
2016-05-12
2694 瀏覽
係山林道學完跳舞超肚餓, 沿住條街搵食, 行到差不多街尾見到呢間平成日本料理, 二百幾蚊一個人食放題, 見價錢唔太貴, 放題正正岩晒我呢個饑渴狀態, 可以任食任飲. 再望望門口POSTER, 原來餐廳6週年有野送, 2個人送加拿大海膽, 4個人仲送海鮮蒸窩添, 嘩~咁精彩, 快快入去開餐啦!!一坐底待應話可以係雪櫃隨意拎野飲, 一罐罐汽水, 烏龍茶, 啤酒等飲品全部都係任飲, 正!每個位都有8款餐紙可以自行圈底食乜, 刺身, 壽司, 手卷, 小食, 串燒, 熱盤, 炸物, 飯同烏東等, 基本上乜都有食.食放題一開始當然先來回本之作, 梗係要食一大盤刺身先啦, 我地2個人每樣點2-3件, 原來上枱時都真係有好多款, 最正係門口張POSTER真係無呃我, 2人真係送成板海膽, 仲好細心有埋紫菜比你夾住食添 刺身的確好新鮮, 睇下舊三文魚真係超肥美架, 入口好多油脂, 直頭有少少入口即溶既感覺, 口感非常之好, 我覺得食落似係三文魚腩, 真係好肥好好味 (必食推介 1 )另外(必食推介 2 ) 就係呢隻特大甘海老...真係超級大隻, 食落好鮮甜, 啖啖肉好精彩, 另外帶子刺身都係好大隻,
係山林道學完跳舞超肚餓, 沿住條街搵食, 行到差不多街尾見到呢間平成日本料理, 二百幾蚊一個人食放題, 見價錢唔太貴, 放題正正岩晒我呢個饑渴狀態, 可以任食任飲.
再望望門口POSTER, 原來餐廳6週年有野送, 2個人送加拿大海膽, 4個人仲送海鮮蒸窩添, 嘩~咁精彩, 快快入去開餐啦!!
一坐底待應話可以係雪櫃隨意拎野飲, 一罐罐汽水, 烏龍茶, 啤酒等飲品全部都係任飲, 正!
每個位都有8款餐紙可以自行圈底食乜, 刺身, 壽司, 手卷, 小食, 串燒, 熱盤, 炸物, 飯同烏東等, 基本上乜都有食.
食放題一開始當然先來回本之作, 梗係要食一大盤刺身先啦, 我地2個人每樣點2-3件, 原來上枱時都真係有好多款, 最正係門口張POSTER真係無呃我, 2人真係送成板海膽, 仲好細心有埋紫菜比你夾住食添
刺身的確好新鮮, 睇下舊三文魚真係超肥美架, 入口好多油脂, 直頭有少少入口即溶既感覺, 口感非常之好, 我覺得食落似係三文魚腩, 真係好肥好好味 (必食推介 1 )
另外(必食推介 2 ) 就係呢隻特大甘海老...真係超級大隻, 食落好鮮甜, 啖啖肉好精彩, 另外帶子刺身都係好大隻, 好新鮮好肥美...放題食刺身才是重點, 所以我地叫左3 round...哈, 我回本了 ^^
壽司都有多款選擇, 花之戀, 蟹腳壽司, 而和牛壽司比較特別, 咬落無血腥味, 牛肉亦無根, 好重牛肉, 平時出面食一件都好貴, 放題有得食所以一定要試一試
小食有好多不同沙律, 蟹子沙律, 暑仔沙律, 中華沙律, 豆腐沙律, 味道不錯, 醬汁令到開胃左, 細細碟剛剛好
到串燒同炸物, 串燒牛舌好好味, 唔會太UN咬落好有口感, 燒蝦好大隻, 鹽燒少少咸咸地提升到蝦本身鮮味, 好正!!! 天婦羅剛剛炸起, 上碟時仲係熱拉拉, 炸粉唔會好厚, 新鮮上碟樣樣都脆卜卜, 蝦天婦羅雖然比串燒蝦細隻d, 但咬落都好彈牙, 依然食到蝦既鮮味. 而我最愛燒多春魚, 大大條好多春, 好肥美, 好惹味, 不過佢餐紙上寫住多春魚用(份)做單位, 所以我咪寫1, 點知來到得一條, 哈~ 建議佢應該用(條)字做單位會更清楚呢
由於食左3盆刺身己經飽到上心口, 所以飯同烏東真係試唔到啦, 唯有下次, 但甜品對我來講, 幾飽都仲係一定要食, 呢度最正竟然係原杯雀巢雪糕任食, 雪條除左牛奶雪條, 紅豆雪條等, 仲有我最鐘意MEGUM脆皮雪條, 全部大量供應, 真係太正啦, 超級滿足的一餐 ^^張貼
