更多
2014-07-06
1573 瀏覽
今日約左老闆飲茶~佢都係中意去''老地方''~老地方唔限於舊式酒樓或老字號,純粹''地點''佢覺得就腳就OK! HA~呢到新開左冇耐,我地就去一試~下午茶時段見口見面都係舊酒樓的伙記,換左件又新又靚的制服LA!!態度一樣係咁''街坊''~冇咩改善~!可能擺酒做大生意時會好D掛 ~喺樓下攞左票再到二樓大堂搵位,知掟的話基本會明白冇咩人會黎招呼你自己可以搵個心儀的位置坐下先開茶,我地就揀左個有電視睇的位置!一於慢慢嘆~!點菜啦~鬼咁餓~!!有好多新款式~令人好想一試~點心話係即叫即蒸,所以需要D時間~果真係蒸出黎流滿氣~非常正~!食野之前一定要洗野~因為餐具都比較油膩...連個茶壺都唔係咁乾淨...v__v蟹子燒賣 - 蟹子已經蒸到容晒~個樣唔係咁好~不過豬肉味好重~好味道~白花釀金蛋 - 個樣同味道燒賣差唔多~上半部份加左半粒春蛋同少少蒸溶左的蟹子~如果D蟹子可以喺蒸好之後先放上去,相信效果會好好多~豬腳薑 - 醋相當甜,唔係咁啱我口味~豬腳勁淋~都唔洗點咬~正~!薑好大件~但係好老,有渣~份量相當足夠!!杏汁流沙飽 - 上枱唔覺得佢好熱,且果真名副其實!好香的杏仁味同一咬入去就BI D
老地方唔限於舊式酒樓或老字號,純粹''地點''佢覺得就腳就OK! HA~
呢到新開左冇耐,我地就去一試~下午茶時段見口見面都係舊酒樓的伙記,
換左件又新又靚的制服LA!!態度一樣係咁''街坊''~冇咩改善~!
可能擺酒做大生意時會好D掛 ~
喺樓下攞左票再到二樓大堂搵位,知掟的話基本會明白冇咩人會黎招呼你
自己可以搵個心儀的位置坐下先開茶,我地就揀左個有電視睇的位置!一於慢慢嘆~!
點菜啦~鬼咁餓~!!有好多新款式~令人好想一試~
點心話係即叫即蒸,所以需要D時間~果真係蒸出黎流滿氣~非常正~!
食野之前一定要洗野~因為餐具都比較油膩...連個茶壺都唔係咁乾淨...v__v
蟹子燒賣 - 蟹子已經蒸到容晒~個樣唔係咁好~不過豬肉味好重~好味道~
白花釀金蛋 - 個樣同味道燒賣差唔多~上半部份加左半粒春蛋同少少蒸溶左的蟹子~如果D蟹子可以喺蒸好之後先放上去,相信效果會好好多~
豬腳薑 - 醋相當甜,唔係咁啱我口味~豬腳勁淋~都唔洗點咬~正~!薑好大件~但係好老,有渣~份量相當足夠!!
杏汁流沙飽 - 上枱唔覺得佢好熱,且果真名副其實!好香的杏仁味同一咬入去就BI D 汁出黎~奇妙~!
南乳豬手 - 唔知係凍食定熱食~上枱唔算好熱,但係又唔係涼的~唔知佢想點,入口好入味而且好淋~感覺唔肥膩~
海皇湯小龍包 - 佢話係海皇湯,我地覺得似南瓜湯多少少,一客有兩粒小龍包,入口唔知係肉汁定係湯~好有豬肉的鮮味
炸芋頭糕(甜品) - 芋頭味的糯米皮外面加左層白之麻,入面係紅豆饀,即點即炸,上枱仲熱熱的~咬入口有脆脆的感覺,味道唔錯~
蘿蔔糕 - 真係冇呃你~真係''蘿蔔''糕,好重的蘿蔔味~唔會太多粉~只係想搵多粒肉咬下都冇~而且好似煎定好耐咁,上枱已經唔係好熱了
芒果糯米卷 - 凍食甜品~~入口又唔係太涼,室溫..感覺怪怪,芒果好彩唔係好酸又唔會覺得好爛~唔錯~
奇妙春卷 - 睇個名估唔到個樣,所以點來試下~原來係春卷皮包住兩三條蝦去炸,比埋喼汁點住食~我覺得點沙律漿會吸引D~!
白雲豬手 - 睇佢個樣真係睇唔出佢D豬手咁爽~!又入味~好食~!入口涼浸浸
春風得意腸 - 好得意~應該係一條蝦糕點炸漿拎去炸起,再拎條唔熱的腸粉包住,切開再上點點蟹子,入口仲有爽爽聲,几得意,又好味~
鴨腳扎, 排骨 - 一般出品有話太特別~但求佢啱味同夠熱~!鴨腳超淋,入口就甩骨~!!
叉燒腸粉 - 今次係半肥瘦的叉燒~ 腸粉皮厚左D
黑松露野菌芝士撻 - 新菜式~有好香黑松露味~好吸引,一口一個~~野菌芝士份量唔多~有少少失望~
正宗小龍飽 - 噢~上枱個樣好奇怪~好似包起雪左好耐再拎返出黎蒸的貨色,入口豬肉味濃但冇乜肉汁,
鮑汁鷄粥 - 一心都係諗住即點即撈的貨色,估佢唔到咁入味~點點的鮑汁味再加埋鷄味仲有三几片鮑片~ d粥煲得好棉,好有火喉
魚片粥 - 一樣有好有魚味的粥~唔會太水~好味道
咸肉粽 - 綠豆草好多~好香好味,豬肉咸蛋黃同肥膏唔會太多~感覺健康d
上湯生菜 - 超黃超老的生菜~好似餸頭餸尾的貨色~ v__v 確係太過份,所以最後退了~
傾下坐下都傾左個几鐘~呢到好舒服又唔會有人理~服務員們唔會主動過黎加熱水,
經過的話會幫忙執執枱面~埋單係自己拎張單出去比錢~好自助,唔洗等~!!中唔中意咁,就見人見智了~
總括黎講..係個唔錯的KILL TIME 好地方~!如果順路的話~真值得再去~!
題外話/補充資料：
店舖洗手間設備算係令人滿意~一來唔洗經過廚房重地,而且地下仲好乾爽,入面入好多格~仲準備左個大水桶,可能係怕馬桶一時間抽唔切水,所以比客人自行處理...所以難免地上會有點濕~唯有要小心地滑LA!!
(以上食評乃用戶個人意見 , 並不代表OpenRice之觀點。)
張貼
