更多
2023-03-25
930 瀏覽
鰂魚涌一向多美食，就以芬尼街為例，雖然只係短短一條街，就已經雲集了多國料理，有泰菜、日本菜、中東菜等。今日晏晝路過，見到海康街對面開咗間丼飯專門店，走近一看，原來餐廳主打外賣，有刺身丼、夏威夷魚生飯、火炙丼同烏冬等供應，選擇好豐富，一於試下。揀咗個黑松露野菌牛肉丼 ($88)，另外再加咗樽蜜桃茶，所有嘅丼飯都會跟前菜同味噌湯，如果想食得豐富啲，仲可以追加刺身、溫泉蛋等。睇下個包裝幾得體，飯盒以薄木板砌成，輕巧美觀又保溫，細節見心思。中華沙律清涼爽脆，用嚟做前菜啱啱好。麵豉湯味道亦唔錯，香濃又不死鹹，內有昆布、油揚。牛肉下得非常慷慨，分量十足，鋪滿飯面，食落肉質好軟嫩，油脂分佈平均，而且打開飯盒時，香氣撲鼻，充滿菇菌幽香。跟配的米飯亦相當講究，選用日本產米，米質彈牙煙韌，加上香噴噴嘅黑松露醬汁，將整個丼飯提升到另一個層次。點丼飯可以用優惠價 $8 配支餐廳自家泡製嘅蜜桃茶，口感好清新，夠晒 refreshing，另外仲有玫瑰花茶可供選擇。聽講餐牌嘅丼飯會隨時令食材，不定期更新，以保持新鮮感，所以就算嚟食多幾次都唔怕悶。
今日晏晝路過，見到海康街對面開咗間丼飯專門店，走近一看，原來餐廳主打外賣，有刺身丼、夏威夷魚生飯、火炙丼同烏冬等供應，選擇好豐富，一於試下。
揀咗個黑松露野菌牛肉丼 ($88)，另外再加咗樽蜜桃茶，所有嘅丼飯都會跟前菜同味噌湯，如果想食得豐富啲，仲可以追加刺身、溫泉蛋等。
睇下個包裝幾得體，飯盒以薄木板砌成，輕巧美觀又保溫，細節見心思。
中華沙律清涼爽脆，用嚟做前菜啱啱好。麵豉湯味道亦唔錯，香濃又不死鹹，內有昆布、油揚。
牛肉下得非常慷慨，分量十足，鋪滿飯面，食落肉質好軟嫩，油脂分佈平均，而且打開飯盒時，香氣撲鼻，充滿菇菌幽香。
跟配的米飯亦相當講究，選用日本產米，米質彈牙煙韌，加上香噴噴嘅黑松露醬汁，將整個丼飯提升到另一個層次。
點丼飯可以用優惠價 $8 配支餐廳自家泡製嘅蜜桃茶，口感好清新，夠晒 refreshing，另外仲有玫瑰花茶可供選擇。聽講餐牌嘅丼飯會隨時令食材，不定期更新，以保持新鮮感，所以就算嚟食多幾次都唔怕悶。
張貼
