更多
2014-02-27
2453 瀏覽
團年食飯送左兩張$100 cash coupon,諗住去食多次用左佢所以先去食,點知搞到一肚氣。因為每張枱只可以用一張coupon,屋企9個人就分兩張枱坐,諗住大家好做啦。服務差劣我張枱4個人,坐低無幾耐,落左3個餸,但係坐左半個鐘都無野黎。好聲好氣叫個侍應幫手check下啦,佢嗌聲哦之後就行左去隔離枱上菜,然後就企左係度。再叫返幫我落單個女侍應睇,佢又係哦左聲就走左去。之後隔左5分鐘又問多次,佢睇完電腦話「無落過禾,邊個幫你落架?」我話「你囉」佢好似咩都無發生過咁話無落過單。無落咪再落過囉,我本身又唔介意再落過,但佢當無事咁就唔得囉。食完之後埋單,$252,我俾完coupon,俾$152,其中有$1係毫子,諗住飲埋啖茶走。已經行緊出門口,佢竟然追住黎話唔收毫子。依家毫子唔係錢?佢又無講明唔收,收左去先返轉頭,唔係話玩佢,但收左錢走開左先話唔得,我覺得唔合理囉。食物一般依餐最後總共叫左3個餸:燒腩仔、金銀蛋菠菜、生汁蝦球。蔬菜類的確唔可以話差,因為金銀蛋菠菜都真係有齊金銀蛋同菠菜。依個餸本身就唔係D濃味野,我當然唔可以話佢「淡而無味」。之不過個「生汁蝦球」就真係唔掂! 其實個餸黎到我先
服務差劣
我張枱4個人,坐低無幾耐,落左3個餸,但係坐左半個鐘都無野黎。好聲好氣叫個侍應幫手check下啦,佢嗌聲哦之後就行左去隔離枱上菜,然後就企左係度。再叫返幫我落單個女侍應睇,佢又係哦左聲就走左去。之後隔左5分鐘又問多次,佢睇完電腦話「無落過禾,邊個幫你落架?」我話「你囉」佢好似咩都無發生過咁話無落過單。無落咪再落過囉,我本身又唔介意再落過,但佢當無事咁就唔得囉。
食完之後埋單,$252,我俾完coupon,俾$152,其中有$1係毫子,諗住飲埋啖茶走。已經行緊出門口,佢竟然追住黎話唔收毫子。依家毫子唔係錢?佢又無講明唔收,收左去先返轉頭,唔係話玩佢,但收左錢走開左先話唔得,我覺得唔合理囉。
食物一般
依餐最後總共叫左3個餸:燒腩仔、金銀蛋菠菜、生汁蝦球。
蔬菜類的確唔可以話差,因為金銀蛋菠菜都真係有齊金銀蛋同菠菜。依個餸本身就唔係D濃味野,我當然唔可以話佢「淡而無味」。之不過個「生汁蝦球」就真係唔掂! 其實個餸黎到我先知道「生汁」係沙律醬。佢炸左D蝦球之後,整pat沙律醬上面,然後上碟。碟野黎到真係pat到好似嘔吐物咁。個燒腩仔除左凍D之外都無話可說。
題外話/補充資料：
4個人食3個餸,除左一肚氣之外就梗係唔夠飽啦! 最後返屋企都係要食個杯麵頂肚。
(以上食評乃用戶個人意見 , 並不代表OpenRice之觀點。)
張貼