更多
2015-04-26
3629 瀏覽
呢間酒樓位處屋企附近嘅office,成日都經過，但就甚少幫襯 (因為格局似高檔嘢)。今次為咗請屋企人食餐好，就一於嚟歎吓茶啦！我哋點咗啲大路嘅點心，例如牛肉球，春卷，燒賣等，味道同出面差唔多，冇咩特別另外甜品嗌咗黑芝麻流沙包同蛋撻仔，甜度適中，但流沙包唔夠流同味道偏鹹，但可以接受。值得一提嘅係避風塘蘿蔔糕同呢度獨有嘅芝心蝦丸: 呢款切粒蘿蔔糕一向惹味，蒜香撲鼻，食得辣嘅朋友不妨一試 (不過食完會飽咗一半因份量唔少。。好彩唔太油)至於蝦丸就好彈牙有咬口，蝦味都夠，流心芝士唔會太鹹/滯，試得過。。但建議唔好點伴碟嘅柚子醬，因為醬甜味搶咗蝦丸嘅原味佢呢度勝在夠寬敞，同隔離枱唔會迫住晒，傾計舒服。。而且落地玻璃夠空間感同光猛，價錢偏貴應該係食埋裝修。有機會會再嚟試吓佢晚市餸菜
我哋點咗啲大路嘅點心，例如牛肉球，春卷，燒賣等，味道同出面差唔多，冇咩特別
另外甜品嗌咗黑芝麻流沙包同蛋撻仔，甜度適中，但流沙包唔夠流同味道偏鹹，但可以接受。
值得一提嘅係避風塘蘿蔔糕同呢度獨有嘅芝心蝦丸: 呢款切粒蘿蔔糕一向惹味，蒜香撲鼻，食得辣嘅朋友不妨一試 (不過食完會飽咗一半因份量唔少。。好彩唔太油)
至於蝦丸就好彈牙有咬口，蝦味都夠，流心芝士唔會太鹹/滯，試得過。。但建議唔好點伴碟嘅柚子醬，因為醬甜味搶咗蝦丸嘅原味
佢呢度勝在夠寬敞，同隔離枱唔會迫住晒，傾計舒服。。而且落地玻璃夠空間感同光猛，價錢偏貴應該係食埋裝修。有機會會再嚟試吓佢晚市餸菜
張貼
