更多
2016-05-19
238 瀏覽
都有十幾年無黎食野，內外裝修都無咩點變，但係感覺非常污糟，衛生情況極惡劣﹗地下多垃圾又濕又潺，到底咩黎架，好驚呀﹗張枱黐笠笠，餐具起晒漬又油淋淋，唔該比另一把刀我啦。小插曲，係大家耐心等候食物既時候，嘩﹗有同事大叫，嚇死人咩﹗大強呀！8 個人一齊彈起身！有巨曱甴呀﹗有翼既大曱甴呀！爬左去我地枱底，搞到我地成個 lunch 都忐忑不安。救命 ﹗相都唔記得影底添 ﹗海南雞例牌，三格調味碟只裝左兩格，薑蓉及甜酸醋，係咪漏左黑豉油呀？定無晒呀？menu 寫住係馳名海南雞，信您啦。雞肉又乾又鞋又無味，薄薄雞皮但靭到似橡膠。鐵板黑椒牛柳 5 成熟配意粉，最初想食 T-骨扒架，又無。港式鐵板牛唔食太生喇，熱騰騰送到，淋上黑椒汁咋咋聲好有氣氛，夠晒 high！煎到外層香口微脆，質感乸到軟棉棉無筋又無渣，滑嘟嘟沾上大量甜甜黑椒汁，港味都的可口。全熟意粉質地都還可以，不算粉亦不算過熟，但係無味既？紅色只係顏色黎架乍，而且凍冰冰，淋上微暖黑椒汁都無補於事。羅宋湯，main course 上左個湯先到，甜甜稀稀的雜菜湯，大路茄味濃，洒點胡椒粉合格。公司政策展覽前後一星期唔比攞大假？都痴筋，火都黎！點都要出出去
地下多垃圾又濕又潺，到底咩黎架，好驚呀﹗張枱黐笠笠，餐具起晒漬又油淋淋，唔該比另一把刀我啦。小插曲，係大家耐心等候食物既時候，嘩﹗有同事大叫，嚇死人咩﹗
大強呀！8 個人一齊彈起身！有巨曱甴呀﹗有翼既大曱甴呀！爬左去我地枱底，搞到我地成個 lunch 都忐忑不安。救命 ﹗相都唔記得影底添 ﹗
海南雞例牌，三格調味碟只裝左兩格，薑蓉及甜酸醋，係咪漏左黑豉油呀？定無晒呀？menu 寫住係馳名海南雞，信您啦。雞肉又乾又鞋又無味，薄薄雞皮但靭到似橡膠。
鐵板黑椒牛柳 5 成熟配意粉，最初想食 T-骨扒架，又無。港式鐵板牛唔食太生喇，熱騰騰送到，淋上黑椒汁咋咋聲好有氣氛，夠晒 high！
煎到外層香口微脆，質感乸到軟棉棉無筋又無渣，滑嘟嘟沾上大量甜甜黑椒汁，港味都的可口。全熟意粉質地都還可以，不算粉亦不算過熟，但係無味既？紅色只係顏色黎架乍，而且凍冰冰，淋上微暖黑椒汁都無補於事。羅宋湯，main course 上左個湯先到，甜甜稀稀的雜菜湯，大路茄味濃，洒點胡椒粉合格。
公司政策展覽前後一星期唔比攞大假？都痴筋，火都黎！點都要出出去食 lunch，食辣野減壓﹗一班同事原諗住去食辣雞煲，點知遲去一步無位。
最搞笑個操不純正廣東話既女侍應只講一句 8 個無位喎，就走左去無理我地。即係叫我地等位還是叫我地走呢？唔希罕我地生意無所謂，閃！
海南雞例牌
12 瀏覽
0 讚好
0 留言
海南雞例牌
5 瀏覽
0 讚好
0 留言
鐵板黑椒牛柳 5 成熟
10 瀏覽
0 讚好
0 留言
鐵板黑椒牛柳 5 成熟配意粉
11 瀏覽
0 讚好
0 留言
羅宋湯
5 瀏覽
0 讚好
0 留言
張貼
