更多
2015-11-21
598 瀏覽
考完試,一定要同肥髀輕鬆下,肥髀喜歡食日本菜,搵到呢間串燒店未試過,先whatapps訂位,對方覆了有位,準時去到,商業大廈高層,門口店名下貼有「晚市串燒」可能晚上先做串燒店!入內有啲詫異,地方好簡陋,廚房外面放滿雜物,桌椅唔成套!牆上有掛牆扇!有兩位中年男女招待,好有禮比咗我們坐近窗二人枱,枱面非常緊貼,咁來到就試下喇!男店員放低張落餐紙,串燒款式多,我見到個海鮮二人餐夠食又唔貴,每項選擇都幾多,就揀好落單!食物陸續上菜!套餐:燒牛舌:厚身!醃料重手!至少唔韌!貴妃蚌:餐牌話4隻,來到變6隻,可能根據來貨喇!蚌肉唔韌但太多蒜茸!如果新鮮嘅唔使太多調味料都可以喇!雞腎+墨魚丸:墨丸好普通,夠大粒,唔粉,少彈牙!雞腎有咬口!但調味太勁!稻庭冷烏冬:芝麻醬撈烏冬,灑芝麻,連蔥花都無!港式地度feel,烏冬好普通,一定唔係稻庭,唔彈牙,好在夠凍!汽水:罐裝汽水!兩個店員有禮,不過唔夠反應快,所以見到個情況係,招呼唔切!或者要舉一陣手先理到!坦白承認,食物係港式嘅處理,肉類調味重手兼只有一種,黑椒加七味粉,唔難食,只係唔想食啲扮日式食品,如果下次就唔再來!比現金,無加一,如果唔計港式日式,價錢
考完試,一定要同肥髀輕鬆下,肥髀喜歡食日本菜,搵到呢間串燒店未試過,先whatapps訂位,對方覆了有位,準時去到,商業大廈高層, 門口店名下貼有「晚市串燒」可能晚上先做串燒店!入內有啲詫異, 地方好簡陋,廚房外面放滿雜物,桌椅唔成套!牆上有掛牆扇!有兩位中年男女招待, 好有禮比咗我們坐近窗二人枱,枱面非常緊貼,咁來到就試下喇!
男店員放低張落餐紙,串燒款式多,我見到個海鮮二人餐夠食又唔貴,每項選擇都幾多,就揀好落單!食物陸續上菜!
套餐:
燒牛舌:厚身!醃料重手!至少唔韌!
貴妃蚌:餐牌話4隻,來到變6隻,可能根據來貨喇!蚌肉唔韌但太多蒜茸!如果新鮮嘅唔使太多調味料都可以喇!
雞腎+墨魚丸:墨丸好普通,夠大粒,唔粉,少彈牙!雞腎有咬口!但調味太勁!
稻庭冷烏冬:芝麻醬撈烏冬,灑芝麻,連蔥花都無!港式地度feel,烏冬好普通,一定唔係稻庭,唔彈牙,好在夠凍!
汽水:罐裝汽水!
兩個店員有禮,不過唔夠反應快,所以見到個情況係,招呼唔切!或者要舉一陣手先理到!
坦白承認,食物係港式嘅處理,肉類調味重手兼只有一種,黑椒加七味粉,唔難食,只係唔想食啲扮日式食品,如果下次就唔再來!
比現金,無加一,如果唔計港式日式,價錢係抵嘅!
張貼