牧羊少年咖啡館 (白楊街)

營業中

休息中

瞓醒已經12點，想同朋友仔去食餐好啲嘅午餐，悠悠閑閑傾吓計。就去博下排下隊睇吓間野有冇位，朋友仔話早啲出嚟等位但係佢住得遠我到咗先大概一點鐘。都係要等到接近兩點先有得食。原本坐入邊啲沙發位，可能人地要拍埋大枱叫我地轉出去，仲好有獨立位坐得仲舒服😁。擾擾攘攘仲叫到午餐，朋友仔就食咗個雞肉番茄芝士長通粉，我點左磨菇海鮮意粉同埋次次黎親都係食至愛既鮮果燕麥片乳酪沙律。是日果茶係青瓜芒果冰茶。一直以來多人都好啦，環境幾舒適，氣氛好鬼偽文青，理念sell旅行中晒。以前夜晚又有樂隊又有旅遊達人sharing，成件事真係好台灣feel。依家可能紅咗搵錢喇，就少咗好多呢啲安，變咗商業化左，以前menu啲嘢食特別啲而家好似普通左。可能控制唔到個質素🙄長通粉雞肉少咗啲啲。蘑菇海鮮意粉海鮮都幾多，幾多隻蝦，蝦都幾爽。沙律同以前差唔多都係好味😋。本想食下午茶甜品set嘅，但朋友仔第一次來唔夠飽，叫多咗個下午茶餐辣雞扒烏冬麵真係影響左成餐飯，好似普通茶餐廳煮出來的一樣，拉低晒啲分🙄。呢度份量係只適合草食性男仔黎😂飲茶時段少咗好多人佢哋冇趕走我哋。可以傾多陣計嘻嘻。