Via Tokyo

營業中

休息中

今日去銅鑼灣果邊辦事，咁就順便同個朋友去Via Tokyo食下午茶，佢話果度嘅雪糕好好食，我地去到見到幾長隊喇，店面好細，大概有十幾個位置，一條隊系排外賣一條隊系堂食，成間店都系以抹茶為主題，店鋪環境都算幾精致。拿破倫蛋糕，呢間店出品顔值都好高，蛋糕都系抹茶口味嘅 ，蛋糕做得好香脆，好重蛋香同牛奶味。抹茶蛋卷，好濃茶味，蛋糕好松軟，入口軟綿綿，唔系好甜，但對我嚟講就剛剛好，呢個幾好食，唔錯。抹茶雪糕，系我食過最好食嘅，抹茶本嚟茶點苦味，表面再淋D楓糖漿，苦味加甜味嘅結合，兩種唔同嘅口味碰撞系一齊，感覺好奇妙，好正。有幾種水果，睇落都好新鮮，士多啤梨酸酸甜甜，香蕉好滑，不過價格有D偏高，但真系幾值得。