更多
2016-08-22
851 瀏覽
豐富嘅自助餐，令我回憶起同一家人慶祝喜慶日子，一邊傾計一邊食，今日為好朋友慶祝她畢業，我哋預先book銅鑼灣柏寧酒店嘅PLAYT，睇咗網上嘅報道得到好評，自助餐時間為3小時，由6:30-9:30，星期一至四晚上$538一位。餐廳設計型格，帶有點街頭設計，牆壁上有唔同主題嘅畫作，又可望到銅鑼灣繁忙嘅街頭夜景。第一時間睇下有咩野好嘢食！海鮮類別有好多款，龍蝦、蟹腳、青口、東風螺、麵包蟹等，當然仲有我最推介嘅生蠔，另外刺身，一共有七款選擇，廚師新鮮切好送上，壽司都好靚，仲有自選手卷及新鮮天婦羅。熱盤方面中西式選擇都好多，巨型燒豬肋骨肉質淋易入味，多款調味料，西班牙乳豬香酥味濃郁，印度咖喱新鮮薄餅、西班牙海鮮飯、鵝肝多士、燉湯、中式燒味，驚奇嘅有蒸籠點心，有蝦餃馬拉糕等。近餐廳門口位置就係甜品部份，多件輕巧蛋糕、mousse杯裝甜品、巨型朱古力噴泉、泡芙、自家製gelato一共六個口味，茅台、榴槤等，見到就想快啲開始！優惠推廣，飲品會無限添飲，果汁汽水啤酒、白酒紅酒、cocktail選擇。試吓刺身，睇落都夠晒新鮮有光澤，食落冰涼，三文魚及吞拿魚油脂豐富肥美，三文魚花之戀，有香甜芒果配合刺身好開
第一時間睇下有咩野好嘢食！海鮮類別有好多款，龍蝦、蟹腳、青口、東風螺、麵包蟹等，當然仲有我最推介嘅生蠔，另外刺身，一共有七款選擇，廚師新鮮切好送上，壽司都好靚，仲有自選手卷及新鮮天婦羅。
熱盤方面中西式選擇都好多，巨型燒豬肋骨肉質淋易入味，多款調味料，西班牙乳豬香酥味濃郁，印度咖喱新鮮薄餅、西班牙海鮮飯、鵝肝多士、燉湯、中式燒味，驚奇嘅有蒸籠點心，有蝦餃馬拉糕等。
近餐廳門口位置就係甜品部份，多件輕巧蛋糕、mousse杯裝甜品、巨型朱古力噴泉、泡芙、自家製gelato一共六個口味，茅台、榴槤等，見到就想快啲開始！
優惠推廣，飲品會無限添飲，果汁汽水啤酒、白酒紅酒、cocktail選擇。
試吓刺身，睇落都夠晒新鮮有光澤，食落冰涼，三文魚及吞拿魚油脂豐富肥美，三文魚花之戀，有香甜芒果配合刺身好開胃，追加了白酒，飲落順喉，令晚餐特別有氣氛。
生蠔每人每款一次可以拎兩隻，新鮮即開肥美。蟹腳不會帶有雪藏味，麵包蟹蟹膏預先挑起，鮮蝦爽口，海螺建議加點調味料，可以更惹味。
香梨mousse用陶瓷雞蛋杯載起，味道清香，下層有啲朱古力脆脆更加口感，推介大家嚟食呀！總括然而，款式豐富具有多國嘅菜餚，由頭盤至主菜甜品，賣相味道都好，鍾意食刺身嘅朋友一定可以滿足到你，而且環境闊落，最大嘅枱可以坐14人，就算餐廳坐滿食客，係食物區都唔會人逼，最好係自助餐只做一個時間，之後唔使急離開，可以一班朋友坐低傾多陣。
PLAYT 咖啡廳 PLAYT星期一至日: 6:00-23:00
銅鑼灣告士打道310號柏寧酒店1樓
港鐵銅鑼灣站 E 出口
Tel: 2839 3311
張貼
