更多
2016-02-06
1516 瀏覽
係dazzling cafe fb公布左銅鑼灣既分店試業，所以左去試試，來自台灣的dazzling cafe前年登陸香港時，掛隊食既人龍多到要等半日，極其誇張。果時唔係朋友同我排埋隊，真係睬佢都有味！但試左之後又幾好味喎！所以見佢開分店就翻啅下先！去到皇室堡對面，已經見到大大個dazzling cafe 廣告牌，上到去舖頭都幾驚訝，大把位，無人排隊 即刻可以入座，店員安排我們坐係個望維園景既落地玻璃果面，唔知係咪無乜人知試業呢！得幾檯客，而且銅鑼灣呢間同尖沙咀個格調好大對比，尖咀果間好閃令令，銅鑼灣呢間相反色調較沉，很有情調！ 經店員介紹下原來有D餐點同尖沙咀都唔一樣，所以點左店員介紹既新餐點試試。1.主廚濃湯-露筍忌廉湯2.墨西哥辣椒豬肉薄餅3.蕃茄明蝦意大利麵4.提拉米蘇丹麥吐司5.金莎榛果可可唔知係咪人小關係，得幾檯客，D 野都好快到-金莎榛果可可唔記得影相....只能說店員叫我唔好攪勻先飲一口再攪勻飲，未攪勻飲個一口，嘩！同金莎一樣味架，好正！攪勻後味道就無咁似，因為底層既榛子醬同D 奶泡攪勻後淡左，有D美中不足。主廚濃湯-露筍忌廉湯呢個係我朋點，偷飲左幾啖，好cream
即刻可以入座，店員安排我們坐係個望維園景既落地玻璃果面，唔知係咪無乜人知試業呢！得幾檯客，而且銅鑼灣呢間同尖沙咀個格調好大對比，尖咀果間好閃令令，銅鑼灣呢間相反色調較沉，很有情調！
經店員介紹下原來有D餐點同尖沙咀都唔一樣，所以點左店員介紹既新餐點試試。1.主廚濃湯-露筍忌廉湯
2.墨西哥辣椒豬肉薄餅
3.蕃茄明蝦意大利麵
4.提拉米蘇丹麥吐司
5.金莎榛果可可
唔知係咪人小關係，得幾檯客，D 野都好快到
-金莎榛果可可
唔記得影相....只能說店員叫我唔好攪勻先飲一口再攪勻飲，未攪勻飲個一口，嘩！同金莎一樣味架，好正！攪勻後味道就無咁似，因為底層既榛子醬同D 奶泡攪勻後淡左，有D美中不足。
主廚濃湯-露筍忌廉湯
呢個係我朋點，偷飲左幾啖，好creammy幼滑，露筍味淡淡，可能頭先飲左濃味既榛果可可，但呢款湯品，都算ok ！
-墨西哥辣椒豬肉薄餅薄薄既餅皮夾住已溶化既芝士同墨西哥辣椒，肉碎，餅皮好脆身，鹹鹹脆脆同微辣的，好有風味；一碟薄餅會有沙沙醬附上；沙沙醬好清爽開胃，有蕃茄，檸檬，洋蔥，仲有其他香料整成，酸酸爽甜，鹹鹹辣辣既薄餅點左醬食，辣度中和，多左陣清新既感覺！唔差既開胃菜!
-蕃茄明蝦意大利麵呢個擺盤整得好精緻，色香味都有，炒得好夠火侯惹味，意大利粉煙煙韌韌，除左厚厚既蕃茄味外，仲有一陣羅勒香料香同微微辣味，食落有層次架!!而蝦既SIZE係中蝦級數，蝦肉都好厚身同炒得好爽，無話食落好D肉好梅既感覺!美中不足係我地幾個人食只能分到一注仔
-提拉米蘇丹麥吐司呢個吐司係尖沙咀無得食既，而且用既吐司都有唔同，之前食果D係用白方包盒造成，呢隻係丹麥吐司，矮身些少，擺盤同樣精緻，除吐司外仲有兩舊似馬卡龍既餅，中間夾住d expresso既cream , 細細個係麵包舗買丹麥條食就多，丹麥吐司又有咩唔同呢!?切左舊無掂到醬既試下，雖然頭先話矮身，其實都有3,4塊方包加埋咁厚，吐司外層好酥脆內屠軟軟；再加佢灑滿可可粉既忌簾同中間果球雪糕仲好食(咖啡味)(店員介紹時話係用haagen daz既雪糕架)，暖暖酥脆既吐司配半溶既雪糕，加埋打發左既忌簾，令吐司酥脆外層變得口感細膩，好正!
整家店感覺好好，座位唔迫，檯同檯都分得有d距離，溝女、同朋友傾計一流!服務我地個位員工都好好，見佢名牌好似叫yami，雖然佢地用普通話講. . . .我唔太識聽. . . 但佢地都好用心介紹，希望唔係新開時先有呢個水準，之後都keep到啦
張貼
