更多
2016-07-04
480 瀏覽
ATUM Dessert係一間位於銅鑼灣的自製份子化食材嘅藝術甜品店, 以簡約但高貴嘅格調貫穿成間甜品店. 牆上面嘅畫同甜品嘅設計都係老細自己Design. Bar枱係用雲石做面, 而客人係面向準備甜品嘅地方, 一嚟可以有你自己嘅私人空間, 二嚟亦都可以睇到師父準備食材嘅情況. 而呢度最出名嘅就喺由師父即場畫甜品畫, 會令大家眼前一亮.一入到甜品店, 店長姐姐攞咗一Set test tube welcome drink出嚟, 一人一支, 係酸酸甜甜又清新的石榴汁, 等你Refreshing 一吓你個口腔.我哋揀左一款叫Improvisation ( 2人用 ) 嘅抽像畫甜品,包兩杯飲品,及另需加一.之後店員就攞咗有黑, 白, 灰三色底膠, 作為甜品嘅底盤. 我揀咗灰色 ( 因為係半透明, 唔係實色, 亦都可以透到雲石枱面 ) , 她就再取出不同嘅果醬, 問我哋有沒有對邊種食物敏感, 亦都有問我哋要不要喺甜品上面寫字.一切已經準備好,就正式開始呢幅藝術畫甜品. 以底膠為紙, 糖粉, 果醬同小點為輔助. 一邊畫一邊講解, 一時擠果醬一時灑糖粉, 亦開始用各式各樣嘅小甜品擺喺甜品畫上面. 最
一入到甜品店, 店長姐姐攞咗一Set test tube welcome drink出嚟, 一人一支, 係酸酸甜甜又清新的石榴汁, 等你Refreshing 一吓你個口腔.
我哋揀左一款叫Improvisation ( 2人用 ) 嘅抽像畫甜品,包兩杯飲品,及另需加一.
之後店員就攞咗有黑, 白, 灰三色底膠, 作為甜品嘅底盤. 我揀咗灰色 ( 因為係半透明, 唔係實色, 亦都可以透到雲石枱面 ) , 她就再取出不同嘅果醬, 問我哋有沒有對邊種食物敏感, 亦都有問我哋要不要喺甜品上面寫字.
一切已經準備好,就正式開始呢幅藝術畫甜品. 以底膠為紙, 糖粉, 果醬同小點為輔助. 一邊畫一邊講解, 一時擠果醬一時灑糖粉, 亦開始用各式各樣嘅小甜品擺喺甜品畫上面. 最後, 即席以液態氮製作雪葩及雪糕作結尾.
最後, 一幅靚靚同完美嘅藝術甜品畫就大功告成, 我哋亦都可以慢慢品嚐.
部份小甜品:
甜甜嘅紅莓粒果粒
滑滑嘅朱古力奶凍
清甜爽口嘅柑桔果凍
酸酸辣辣嘅熱情果椒奶凍
口感煙韌綠茶蕨餅
香甜嘅焦糖蜂巢
100%香濃黑朱古脆片
酸甜清新西柚雪葩: 用液態氮分子雪葩
竹炭朱古力味雪糕: 用液態氮分子雪糕
靚靚甜甜嘅螢光粉紅龍鬚糖
雖然呢D小小嘅食材一D都唔起眼, 但係當佢哋合體之後, 通過簡單嘅點線面, 一幅幅獨一無二的藝術甜品畫就此形成. 成個過程大概十幾分鐘, 除了色彩之外, 製作過程亦充滿趣味.
嗰晚我哋去之前冇食飯, 但係因為份量都幾足, 所以食完之後真係好飽. 而另外店員服務都好好, 好主動幫客人影相留念, 好多加分位.
**液態氮 ( Liquid Nitrogen ) 化: 因為雪糕嘅水份遇到液態氮就會出煙,好似仙境咁,好得意
張貼