雷橋燒肉日本料理 (已結業)

上星期同朋友gathering，book左呢間放題，因為之前有朋友介紹話刺身幾正，同埋可以食2個鐘，岩晒我地成班女仔一路食一路傾。門口裝飾得幾令，幾有特色，坐位係有少少凹入去個隻，夠大，舒服。前菜先黎左個沙津，沙津比想像中大盤，真係估佢唔到，有好多蟹子，沙津醬唔會好酸，平時我食沙津只會食少少，因為唔鐘意啲好酸既沙津醬，但今次接受到，食左大半碟，好岩我口味。加左30蚊刺身任食，有十款大路款，雖然唔算話好多，但就夠大件夠新鮮，淨係食魚生都已經飽左七成。雖然飽飽地，但面對甘正嘅燒肉，又點可以唔食呢，話哂呢度燒肉先係大佬! 由於唔係款款肉都識，最後決定咩肉都嗌D，一於食盡佢! 呢度燒肉果然名不虛傳，肉質夠鮮嫩，唔會覺得好dry，食落啖啖滋味，啖啖肉! 其實total加埋刺身任食都只係$168，係CWB黎講唔算貴，我諗我都會同屋企人再黎食多轉。