更多
2017-01-16
1591 瀏覽
大坑雖然唔近地鐵站，但依然係好多美食嘅聚集處，例如via Tokyo雞蛋仔拉麵burger咩都食過，但西餐反而少食，今次揀咗間環境幾靚嘅同媽咪食，雖然呢間餐廳位置上唔算明顯，開頭坐底都冇咩人食，點知食下食下原來都full Booking左，好彩我都有booking!! 今次試咗幾個招牌，的確係高質素之選！呢到環境舒適，以淺紫色作主題嘅牆身，玻璃櫃放左唔少公仔，牆壁放置少量擺設同畫作，都俾人簡單舒服又不失格調嘅感覺，座位之間寬闊，差唔多全場都係情侶，證明呢度的確係情侶聚餐嘅好地方。呢度嘅set dinner選擇幾廣，main course有闊條麵意大利粉、豬肋骨、羊架牛扒等等，價錢介乎＄160至＄230 ,連埋沙律餐湯飲品，價錢算中規中矩。黑松露菌忌廉湯本身跟嘅餐湯係西蘭花忌廉湯，每日唔同嘅， 加$38就可以升級做特別味道，呢個黑松露忌廉湯又係驚喜之一，首先忌廉湯每啖都食到蘑菇碎粒料，證明廚師落足料，但蘑菇只係配角因為黑松露嘅香味完全搶咗風頭，睇幅圖都見到黑松露係灑滿晒係個湯度，加錢都抵！蟹肉南瓜忌廉湯呢個同樣都係加＄38嘅特別口味，相比起黑松露忌廉湯，個人更喜愛呢個南瓜忌廉湯，南瓜蓉完
呢度嘅set dinner選擇幾廣，main course有闊條麵意大利粉、豬肋骨、羊架牛扒等等，價錢介乎＄160至＄230 ,連埋沙律餐湯飲品，價錢算中規中矩。
黑松露菌忌廉湯本身跟嘅餐湯係西蘭花忌廉湯，每日唔同嘅， 加$38就可以升級做特別味道，呢個黑松露忌廉湯又係驚喜之一，首先忌廉湯每啖都食到蘑菇碎粒料，證明廚師落足料，但蘑菇只係配角因為黑松露嘅香味完全搶咗風頭，睇幅圖都見到黑松露係灑滿晒係個湯度，加錢都抵！
蟹肉南瓜忌廉湯
呢個同樣都係加＄38嘅特別口味，相比起黑松露忌廉湯，個人更喜愛呢個南瓜忌廉湯，南瓜蓉完全融入喺個湯同忌廉入邊，南瓜清甜得非常自然，蟹肉碎就好似蛋白碎碎咁滲入湯入邊，雖然冇整粒嘅蟹肉，但依然好滿意。配埋脆卜卜嘅牛油多士
香煎法國鵝肝伴焦糖酒醋藍莓+$58鵝肝大概五cm長，唔算好大舊，但都有1cm左右厚。鵝肝煎得表面平均香脆，本來鵝肝感覺比我好多油脂，呢度雖然煎，但油膩感唔多，啱啱煎完仲有微暖，配埋半圓型既超薄脆面包片，視覺上好得意，而本來以為係配角嘅焦糖酒醋藍莓原來會同多士咁夾，酸甜同鵝肝嘅油膩相夾後令呢個成為一個開胃前菜。
大蝦占米多呢個又係加＄58就可以食嘅前菜，本來以為係蝦多士之類嘅嘢，點知原來係炒蝦肉。大蝦拆殼後將蝦肉取出切粒，以蟹膏、忌廉同洋蔥炒起，然後再放入蝦殼上碟。如果你係喜好食蟹膏嘅人，呢個前菜一定啱你，因為本身蝦肉算爽但最突出嘅味道係蟹膏，喺其他地方都冇試過呢種前菜，媽咪好滿意，我覺得係鍾意食蝦同蟹嘅人會啱啲。
黑松露麵包蟹意大利飯$220見到枱枱都叫呢個意大利飯，而且係其他西餐廳都冇見過，於是就叫來試吓。上枱時見到個碟好大但蟹殼睇落較細，心諗我黑洞一定唔夠飽，點知原來睇少左呢個蟹殼嘅容量，原來好大，意大利飯塞到滿哂，食食下發現好多份量，鋪面嘅蟹肉絲同埋蝦子粉，橙橙地色視覺更佳，意大利飯煮得算硬身，感覺幾正宗，可能香港人食慣稔新啲嘅意大利飯，但正宗係應該硬身啲，呢度嘅硬身程度唔會令人抗拒，另外有碗仔上既黑松露醬都好多，好處就係你想幾濃就加幾多，唔似平時將黑松露撈勻哂既食法
德國食燒鹹豬手$220呢個豬手係等得最耐，但真係好值得等，首先佢好大舊，雙手捧就差唔多，兩個人share都仲係啖啖肉。所有肉件都切好晒，連皮都切成一塊塊，食落好方便，即使想自己切都好容易，因為啲肉全部好鬆化，一切即開，皮嘅香脆程度令人難忘，而黐住皮嘅肥脂唔算多，比起好多市面上好肥膩嘅豬手感覺健康得多，另外抵讚嘅地方係配左三種醬，第一種係正常Mustard，平時出面豬手都好少有芥末點，另外就係茄汁，最大果碗醬汁係餐廳自家製嘅Bbq汁，用茄汁番茄黑椒等調配成微辣酸酸既汁，用黎點豬手真係好夾欣賞餐廳比左咁多種醬去點豬手，不過我個人覺得唔點都已經好好食！炸薯條以鐵籃盛載，靚靚之餘好脆身！但似乎有啲炸得過火感覺比起炸豬手更熱氣
呢到係切開左既豬手肉，多到鋪滿哂成個碟！！
飲品竟然有熱杏仁奶飲！
呢個價錢以大坑黎計，又黑松靈鵝肝等食材，抵食！
張貼
