醉翁亭火鍋館 (已結業)

時常經過皇室堡樓下都會見到有人肉廣告牌介紹呢間酒樓，最吸引嘅就係標明有＄18一碗秘製叉燒飯，前兩日約了幾個靚太傾計順便去試吓。酒樓環境舒適闊落，格調有別傳統酒樓，而座位很多，睇落價錢應該唔平，但原來又不是想中貴。原來酒樓主打晚上火鍋，而中午兼做茶市，而且有很多特價食物給食客選擇。我們原本想食的＄18的秘製叉燒飯原來已經沒有了，改為＄28一碗的鹹蛋叉燒飯，我們照叫了這個特價叉燒飯，而且也叫了乾炒安格斯肥牛河粉及一些點心。叉燒肥瘦均勻，味道唔錯，亦唔算細碗。炒河賣相吸引，份量不少，牛肉片算多，河粉幼滑，味道OK。各樣點心亦唔錯，而且頗有特色，例如粗糧糕，燕麥甜點等，幾特別又健康。整體食物質素幾好，會再次光顧。