築地日本料理 (金百利廣場)

營業中

休息中

遲左少少收工，開完ot先可以同男朋友食晚餐，去到銅鑼灣都大約九點幾，突然醒起呢個時間可以食黑夜壽司！入去時都坐滿一半人左右。但係一望呢三張紙就覺得俾人揾笨。出面counter位置淨係寫住九點後入座半價，而且只有一本大menu, 到入左去，先知原來只有少部份壽司半價，大部份係八五折，主食例如鍋飯係正價，少部份燒物有八五折，其他都係正價。如果係counter位置睇到有呢三張紙，我未必會選擇食--呢個生意真係相當唔老實......鹽燒雞中翼($18@1)，呢度已經係兩份既份量--雞翼燒得唔夠脆身，唔夠熱，食到中間已經係用暖暖地黎形容。鮮帶子壽司，帶子唔太厚身，缺乏口感，而且雪味已經cover哂原來既鮮甜味。三文魚壽司，呢個反而唔錯，三文魚新鮮，無雪藏味，啖啖肉。油甘油壽司，呢個好伏！油甘魚完全唔肥美，咬落去無油香，而且似擺左好耐。蟹膏蟹肉壽司，好麻麻，蟹膏完全無鮮甜味，我淨係食到腥臭味。