更多
2016-01-20
414 瀏覽
星期二的晚上, 前後之日皆不是假期, 竟然坐了大半滿, 有些少神秘... 這神秘感與此店的名稱..牛..禪...個"禪"字有些少相似... 你講嘢真係好禪... Sapporo Beer, 照譯, 札幌啤酒, 日本啤酒中, Asahi, Kirin, Sapporo, 可稱三大本港大買的日本啤, 至於是好與否, 真是見仁見智.... 幾位日本朋友, 聽到我講及此本港的三大日本啤, 隨即舉手反對... 她/們不其然都立即說出口: YEBISU.... 哈哈... 無講如何...今天還今天... 今天的是札幌啤, 味道有生啤原有的清爽, 據聞....加入玉米粉與大米, 會把酒精度降低, 所以有永遠"喝不夠"的美味, 呢招....都好毒吓喎....lol...牡丹蝦壽司, 縱使不計那蝦頭部份, 只是蝦身也極大, 覆蓋了整件飯團. 牡丹蝦這種高級貨, 屬於較難運輸和存儲的食材, 一旦溫度變化, 蝦頭立即變色, 就要作廢...牡丹蝦是蝦中極品, 色澤泛紅, 入口甜美, 質感厚實, 肉質肥碩, 富有彈性, 味道濃郁, 頭愈大, 美愈甜.... 吃時...不需要蘸芥辣...., 不論是假芥辣, 又
星期二的晚上, 前後之日皆不是假期, 竟然坐了大半滿, 有些少神秘... 這神秘感與此店的名稱..牛..禪...個"禪"字有些少相似... 你講嘢真係好禪...
Sapporo Beer, 照譯, 札幌啤酒, 日本啤酒中, Asahi, Kirin, Sapporo, 可稱三大本港大買的日本啤, 至於是好與否, 真是見仁見智.... 幾位日本朋友, 聽到我講及此本港的三大日本啤, 隨即舉手反對... 她/們不其然都立即說出口: YEBISU.... 哈哈... 無講如何...今天還今天... 今天的是札幌啤, 味道有生啤原有的清爽, 據聞....加入玉米粉與大米, 會把酒精度降低, 所以有永遠"喝不夠"的美味, 呢招....都好毒吓喎....lol...
牡丹蝦壽司, 縱使不計那蝦頭部份, 只是蝦身也極大, 覆蓋了整件飯團. 牡丹蝦這種高級貨, 屬於較難運輸和存儲的食材, 一旦溫度變化, 蝦頭立即變色, 就要作廢...
牡丹蝦是蝦中極品, 色澤泛紅, 入口甜美, 質感厚實, 肉質肥碩, 富有彈性, 味道濃郁, 頭愈大, 美愈甜.... 吃時...不需要蘸芥辣...., 不論是假芥辣, 又或真山葵, 食新鮮刺身, 都盡量不用, 只蘸少少醬油, 已可提升蝦本身的鮮味.
明太子玉子燒, 名稱真有意思... 其實即是"日式蛋卷", 半熟蛋製成漿狀蛋汁, 要層層捲起, 難度頗高...., 其實不單是做法的難度高, 就...當我用筷子夾起來時的難度也高, 好軟, 要用"陰力", 筷子技巧要高, 才可以把整件夾到自己的碟中. 玉子燒, 通常可以配大葉和蘿蔔蓉, 明太子自然是主角, 金黃色的蛋層十分嫩滑, 內裡是流心芝士與明太子醬汁, 吃起來層次豐富而鮮味.
厚切牛舌, 厚切之意, 就是又肥又厚, 女士們的身型...(其實男士都一樣...唔想比人話歧視, 唯有講埋男士吧...), 就唔想又肥又厚, 但講到食牛舌....., 大刀一切, 絕不手軟, 有土豪feel...., 我...當然不土豪...還有些"小家"feel, 但牛舌....我必定揀厚切... 單看那木條一樣的放置裝潢, 已經無敵... 強迫症發作, 好想用力壓偏條木....
高質牛舌, 以海鹽提味, 外表烤脆後, 份外惹味, 如有幸...分到兩件以上, 第二件必定用檸檬汁沾來吃, 牛舌的外焦內嫩, 油香超豐, 也有腰花脆感, 洒些少檸檬汁, 是海盬之外的絕配.
九州豚足, 豚足即是豬手, 請唔好質疑我...到底"足"是腳還是手, 正如德國豬手, 根本就是豬腳兼大脾... 此菜雖說是豚之足, 實質就不是足, 而是手.... 我開始有D亂....
點解係九州?? 因為....據聞...九州人鍾意食豬手, 但煮法多原隻燜、燒或炸, 甚少用來做燒烤, 此處一創新意, 切片後, 用來燒, 燒至金黃脆身, 洒上海鹽, 上皮甚具咬口, 食落超....超...煙韌...爽透, 還好...肉汁仍然豐盈.
近年香港人最愛的牛頸脊, 打邊爐用的, 多是本地牛, 本地牛肉的價格加不停, 最靚的牛頸脊, 每斤可以賣200元, 比游水龍躉或石斑, 足足貴了一倍價錢. 而日貨供應商...當然也不會執輸, 也來分一杯羹. 相比起本地貨, 和牛牛頸脊的雪花度自然高幾級, 用來做燒烤就最適合.
本地牛的牛頸脊這麼貴, 那...和牛的牛頸脊又如何...?? 相比下....只貴不了兩三倍, 性價比計落...算有著數了.... 哈哈.... 牛脊肌肉是近肩甲的一塊肉，形狀扁物, 厚度在一吋以下, 因運動量不高, 所以也較為嫰滑, 油花比例大概是百分之五十, 燒過後, 極鬆化.
西冷, 豐富雪花紋, 把牛扒切成長條狀, 開大火口, 猛烈燒烤十多秒, 快速煎封, 使表面焦脆, 內裡油潤, 五成熟, 剛剛好, 未食已經聞到...油脂甘香...
豐腴的雪花油脂, 被大火燒後, 快速溶化, 釋放出牛肉香味, 只加些少海盬, 味道昇華... 肉質細嫩鬆化, 油香滿溢, 肉味濃郁, 入口融化.... 雖然有些少"老作"成份, 但都相差不遠已....哈哈...
張貼
