更多
2015-10-15
507 瀏覽
秋風起，個人好易唔凍唔熱咁，會易心煩氣躁，覺得做咩都唔順心順意呢，連食餐飯都會因為呢樣果樣而炆憎，特別討厭服務差的食店會讓人更加胃口不佳 女孩子嘛，就是特別特別的麻煩在如此的難服侍下，到底要點做先會令我滿意呢？其實好簡單，只要服務好，食物好就足夠了，這很基本，但真的很少店鋪做到呢今次，和3位朋友共4個人去到銅鑼灣The L. Square 既一間串燒放題食野並聚一聚，聽人講都幾好食所以就試一試呢間野，加上個名好似好霸氣咁，就更加覺得好興趣想一試了哎呀，人一但長大了，時間就是金錢真的沒說錯啊，好難先相約到呢個名叫得火山燒，梗係有啲野關火山事啦😹😹問左服務生得知，原來我地係用火山岩石燒，話用火山石燒既好處比起平常見到既普通燒烤好得多了，特別得嚟又帶有其優點：高溫得來火力又平均，唔易燒燶，又可以令啲食物易啲熟咁話喎雖然我覺得個爐睇落外表真係好普普通通未見特別，但比啲服務生講一講左後，就好期待啦～～～想快啲燒啊燒其實呢，放題成日都食，例如刺身，韓燒，日燒等等放題就食得多了但反而今次係我第一次吃串燒放題呢，感覺都幾得意由於是放題任食，所以我地一行4人盡情地點餐了喔，各自都填了不少自己愛好食物，食
個名叫得火山燒，梗係有啲野關火山事啦😹😹問左服務生得知，原來我地係用火山岩石燒，話用火山石燒既好處比起平常見到既普通燒烤好得多了，特別得嚟又帶有其優點：高溫得來火力又平均，唔易燒燶，又可以令啲食物易啲熟咁話喎雖然我覺得個爐睇落外表真係好普普通通未見特別，但比啲服務生講一講左後，就好期待啦～～～想快啲燒啊燒其實呢，放題成日都食，例如刺身，韓燒，日燒等等放題就食得多了
但反而今次係我第一次吃串燒放題呢，感覺都幾得意
由於是放題任食，所以我地一行4人盡情地點餐了喔，各自都填了不少自己愛好食物，食物種類晚選擇都算幾多，有海鮮類，肉類，小食類，內臟類，蔬果類等等，款式不少供客人選擇，表示覺得唔錯！！老實說，食放題其中一個目的就是想食多啲唔同種類既食物去滿足口腹之慾。點完餐後，店員就為我地送上左每人一客燒聖子開開胃，聖子一上枱就聞到香氣四溢，非常吸引我開餐食用，草草地影完相反便餓狼上身，並且女兒口大食4方下，一口氣將聖子放入口，大大啖的嚼了起來聖子味道挺鮮甜，口感尚算彈牙，可惜最後食到有少少沙，要扣返少少分啦
食完前菜聖子就到另一重頭戲上枱，係店方推薦必食的，就係每位另加$88就可多加一份和牛海鮮盛啦其中包括左有4款海鮮（ 蝦，朝鮮胭脂蜆，鮑魚，翡翠螺 ）＆和牛串，賣相就相當氣勢啦，所以我地好期待～～～～～
一開始，我地以為和牛海鮮盛都係自己燒，正當想大顯身手之際，職員無啦啦就移開左個烤架，然後直接將啲海鮮排到整整齊齊咁放到火山石上燒，明顯熟能生巧地一次過將啲海鮮放入個爐度燒喔！！！原來係職員幫我地燒既，可能怕我地幾個後生仔唔識燒而燒得難食掛，但職員燒既點都比我地呢啲外行人燒得好啦，所以無異議，哈哈
然後職員就拎左個大蓋蓋住海鮮啦，焗桑拿～～～過左一陣就可以開動食啦一開蓋果下，真係都幾香噴噴～～～正啊
一人一份和牛海鮮盛！！！！樣樣都有一件，平平均均咁大家唔洗爭啦～而且職員都會幫客人分配好分量和配搭，根本就唔需要我地費心
我地4個人就一直一邊喪吹水一邊等職員分好一份份比我地食
整體海鮮不過不失啦，未能食出鮮甜之味但也不至於難食，尚好入口
但我覺得海解方面需要再新鮮啲，食唔出新鮮既感覺，燒得幾香都無用
味蕾才是真正的主人家呢 海解方面食材可以更進步喔～～
上面同大家講過，用火山岩石燒既優點係高溫得來火力又平均，唔影燶易啲熟。但無知既我地，依然用以往燒烤經驗去看待呢件事，梗係覺得燒到燶燶地先以為熟😞😞一開始唔知真係咁奧妙，結果全部都overcook，燒到變晒乾柴烈火，好DRY DRY😀但呢個係我地既錯，不能怪他誰😐😐傳說中所說的無知真可怕啊哈哈😛
呢度啲串燒全部都是沒有預先調味， 但有提供3種醬料，和黑胡椒、鹽，比大家根據愛好味道自由發揮，有啲人鍾意食純味道，有啲人愛好重口味，自由落醬無調味，使兩者都兼顧到。
因為我地4個都燒得太差啦哈哈，部分難以入口，真係燒得太乾太乾啦，所以，我地再點左一個燒春雞食，呢個就餐廳幫客人燒定上枱既，應該係因為雞件太厚關係，更加難熟更加難燒，所以就由廚師代勞了啦，幸好仲有呢著炸，咁就可以食到非經我們4人地獄廚魔手既美食啦哈好食好多！
我地唯一成功燒到好好好好味既一樣野，就是燒菠蘿了啦香甜多汁又美味
好鐘意食燒菠蘿啊！！！！去到邊都必食！！！
仲有啊～～呢度既日本大蔥都係必食架，燒完都係好香甜好味
仲有啊！！！！！！最令我感動既係～～～～ +＄30蚊就有啤酒任飲！！！對於係屬於小酒鬼之一既我而言，簡直係天堂，簡直係不得了的開心，係飲kirin ＆ asahi ，對於好酒既人嚟講，食燒肉真係一定要配啤酒！！！人間極品美味至上無尚既享受態度，哈哈
kopparberg 甜度高，岩女仔飲只要唔好唔識燒扮識燒情況下，好好地正常地燒好，係好味既👏🏻👏🏻大家記得唔好好似我地咁豬仔，見燒唔好就最好問啦，問完燒得好得益係自己，因美味好多😌😌懶勁唔問就等食乾柴烈火啦😈😈好彩有我地幾個去食炸，同大家講定情況，減少大家變柒柒豬既機會😛😛
－－－－－－－－－－－－－－－－－－－－－－－－－－－－－－
PS ：餐廳既環境都算係不錯，感覺有濃厚既中華MIX日本文化既藝術色彩～每一個位既牆身都畫左色彩繽紛用色強烈既畫，增加左唔少餐廳特色。而且座與座之間亦尚算寬敞，沒有壓迫感，幾好。
PS ：必須講一講，抽風系統做得唔太好呢，和空調不夠強勁呢，有位朋友一邊食一邊比煙薰到少少咳同流眼水，而且食完一個鐘返到屋企都聞到成身強烈燒烤味呢
PS ：服務態度不錯，有位小妹妹職員好可愛，非常有禮，由進門一刻到我們4人離開都一直面帶自然可愛的微笑，讓我地4個人感到放鬆和愉快，值得一讚。
題外話/補充資料：
任食串燒放題 $238-$298
(以上食評乃用戶個人意見 , 並不代表OpenRice之觀點。)
張貼
