更多
2021-01-17
290 瀏覽
喺呢個時世因為疫情關系冇得食晚餐,又見食評咁多笑哈哈就不妨一試個午餐填補一下心靈,為嘅都只不過係想食餐好食而又滿足嘅午餐,坐低後職員有禮貌地講解下餐牌,散叫有7折,套餐冇折,我同朋友睇完餐牌後order咗兩個套餐,鰻魚飯配燒鮑魚,牛舌飯配燒象拔蚌,另再散叫一客刺生同魚乾小食,但當食物上枱時真係嚇咗一跳,我同朋友對望呆咗幾秒,共同嘅想法係圖片與實物不符得有冇再離普啲呀,雖然碗飯望落去係叠得好高,之但係係因為隻碗太細,當時好想問究竟喺邊度可以買到啲咁細嘅碗又可以用嚟做生意嘅呢?價錢已經唔紧要喇,但係都比番個合理啲嘅份量吖,所有嘢都係細細碟,細細碗,但係價錢相對嚟講絶對唔係合理,事實上都算係一間超級唔抵食兼唔太好食而又貴嘅食市,可以話係新嘅一年暫時係最伏最超級揾笨嘅餐廳,伏只能中一次,完~
張貼