滿屋日本料理 (已結業)

早排同三個fd係銅鑼灣買衫，行到二期附近我個fd拍一拍我叫我睇下前面，一抬頭就見到有兩個好大既吹氣公仔係前面，心諗搞咩牙，咪行左過去睇下，見到公仔附近有人派緊傳單，傳單上面寫住滿屋。我個fd就話橫掂都未諗到夜晚食咩，不如試下呢間啦。上到去，見到入面好多人，心諗唔會冇位掛，好彩問完佢話有位，跟住就帶左我地入去。入面既裝修都幾ok，d位又唔細，坐得幾舒服。一睇個menu，發現佢地有好多唔同款式既野食，淨係壽司都有十幾廿款。咁坐低第一時間梗係食刺身先啦，d刺身又真係好得wo，叫既三文魚全部都係腩位，帶子又新鮮，d甜蝦又冇霉味，好食。xd熟食都完全唔差，最鍾意係食炸既芝麻雞翼同埋芝士年糕，d炸野唔會話送到黎就已經凍晒，好明顯係即叫即炸既。飲品種類又多，唔會淨係得汽水，咁就可以食多d野xd除左野食好食之外，d員工既招呼都做得好好，好有禮貌，每次叫人都好快有人應，收吉碟又收得密wo，而且揾佢地追野食都第一時間幫我地去跟，咁既服務真係好過出面好多放題。到最尾仲有一人一杯雪糕做飯後甜品，正牙。所以我地幾個fd都話下一次都會再黎呢度食放題。