滿屋日本料理 (已結業)

今日咁岩出開港島，就叫左女朋友過黎銅鑼灣睇下有咩好食。佢就話想食放題，但搵左好多間都冇位，就搵到呢間叫滿屋既，就諗著去試下。去到之後一開始就叫下D刺身試下先啦，佢比足數，你寫10佢真係比足10舊你，而且你叫得多既時候仲會有個好有霸氣既盤用冰鎮住佢D刺身幾新鮮，我試左既舌拿魚腩同埋帶子都好冧，唔會話太硬。舌拿魚腩非常厚切，顏色紅潤; 帶子大大粒非常鮮甜。仲有我最鍾意既三文魚刺身，唔洗沾豉油已經覺得好鮮甜另外因為我自己好鐘意食枝豆，就叫左個試下，不過就冇咩驚喜，普普通通，都係同自己屋企洽個D差唔多。生蝦仲大大隻好多肉，都幾爽口彈牙但系略嫌冇咩蝦既鮮味另外佢鋪頭我覺得比較特別係佢最尾會一人比一個雪糕你地，都算係令到女仔瘋狂既野黎既。埋單個時每個人差唔多二百幾到，比一般放題略貴但我覺得都抵食。