海南四季 (已結業)

今晚我們去咗銅鑼灣皇室堡行街，見到有間新店開張叫「海南四季」，見到店內嘅環境裝修非常高雅，感覺相當舒適，所以我們就決定入去食晚飯！我們叫咗蜜瓜雪梨煲螺頭湯、薑蔥魚雲煲、鮮果梅龍骨、田鷄煲仔飯、籠仔荷葉蒸鱔片同招牌文昌鷄！蜜瓜雪梨煲螺頭湯煲得火候十足，湯底嘅味道非常香甜濃郁！薑蔥魚雲煲嘅魚雲炸得相當香脆，肉質非常新鮮，唔會有好油膩嘅感覺，而且份量超多，真係好抵食！鮮果梅龍骨嘅肉質超鬆軟嫩滑，加埋新鮮爽甜嘅蘋果火龍果同秘製嘅醬汁一齊食，味道酸酸甜甜，非常惹味醒胃！田鷄煲仔飯嘅田鷄係新鮮即叫即劏，所以肉質極之鮮甜彈牙，份量亦超多，米飯相當乾身，飯焦亦非常香脆！籠仔荷葉蒸鱔片嘅肉質相當爽滑彈牙，醬汁嘅味道唔會過鹹！招牌文昌鷄嘅肉質非常嫩滑，唔會有「嚡」嘅感覺，而且鷄味亦相當濃郁！