更多
2015-03-02
2480 瀏覽
之前一直幫襯開同一個集團開嘅6/F<<小平津>>, 知道佢地開新店<<津八見>>做埋鐵板燒, 所以我地好興奮去試, book咗個房仔15人去食公司慶工團年飯~餐廳設計有個房仔用黎團體坐幾好, private d又可以傾計嘈d~望下個晚餐餐牌個套餐非常豐富多野食, 價錢仲非常之抵食, 平時呢個價錢係一人份量, 但依家一人價錢就可以食到二人餐~ 我地一行15人, 叫咗4個刺身拼盤(可以叫佢地係6/F小平津order刺身上黎的), d刺身非常新鮮好味, 拼盤有三文魚, 蝦, 鮑魚片etc~ 另外叫咗4個鷄泡魚乾, 平時我唔食鷄泡魚, 但呢度整得幾好, 乾身脆脆地原本幾好食~ 重有4個海膽凍豆腐都好特別同開胃~之後叫咗唔記得係12定13人份量嘅鮑魚餐($788二人前)同龍蝦餐($838二人前)大家share食(因之前已食好多刺身已食到飽飽地)~套餐入面一如平時d套餐會包括前菜沙律, 味噌湯, 煙肉炒飯同雪糕(綠茶或芝麻)~重點highlight套餐入面美味嘅食物:1) 銀雪魚: 我平時唔食魚怕腥, 但呢度整得好滑, 配埋底d綠色香
之前一直幫襯開同一個集團開嘅6/F<<小平津>>, 知道佢地開新店<<津八見>>做埋鐵板燒, 所以我地好興奮去試, book咗個房仔15人去食公司慶工團年飯~
餐廳設計有個房仔用黎團體坐幾好, private d又可以傾計嘈d~
望下個晚餐餐牌個套餐非常豐富多野食, 價錢仲非常之抵食, 平時呢個價錢係一人份量, 但依家一人價錢就可以食到二人餐~
我地一行15人, 叫咗4個刺身拼盤(可以叫佢地係6/F小平津order刺身上黎的), d刺身非常新鮮好味, 拼盤有三文魚, 蝦, 鮑魚片etc~ 另外叫咗4個鷄泡魚乾, 平時我唔食鷄泡魚, 但呢度整得幾好, 乾身脆脆地原本幾好食~ 重有4個海膽凍豆腐都好特別同開胃~
之後叫咗唔記得係12定13人份量嘅鮑魚餐($788二人前)同龍蝦餐($838二人前)大家share食(因之前已食好多刺身已食到飽飽地)~
套餐入面一如平時d套餐會包括前菜沙律, 味噌湯, 煙肉炒飯同雪糕(綠茶或芝麻)~
重點highlight套餐入面美味嘅食物:
1) 銀雪魚: 我平時唔食魚怕腥, 但呢度整得好滑, 配埋底d綠色香草汁好好味~
2) 帆立貝: 好香牛油味好爽口大粒~
3) 鵝肝: 食鐵板燒套餐點可以少我最愛嘅鵝肝!! 個多士好脆, 鵝肝煑得啱啱好, 有汁得黎唔會太油, 多士配埋熱辣辣剛煑好嘅鵝肝放上去一齊, 又脆又軟, 好好味, perfect!!
4) 海膽汁鮑魚: 鮑魚係一個大隻size兩人份量, 我覺得咁樣好過出面一人一隻好細隻嘅(因為多肉d), 好爽口好好味!!
5) 龍蝦: 又係大隻多肉, 好香好味!!
6) 最後美國安格斯牛肉薄燒 / 厚燒 / 日本黑豚肉厚燒: 自己就覺得黑豚肉普通, 食得鐵板梗係食牛肉厚燒, 煑得軟硬啱啱好, 有口感有肉汁!!
最後15個人每人只係大約$400已食咗咁多野~
食開鐵板就知其實其他地方出面收呢個價錢係一人份量, 但係呢度就足夠兩個人份量, 咁抵嘅價錢質素又好好, 非常開心揾到一個新聚腳地方!!
P.S. 知道午市套餐價錢梗加超抵, 我會再去幫襯~
張貼
