尚鮮海鮮料理 (已結業)

銅鑼灣美食匯集，聽朋友介紹來到這間海鮮火鍋。餐廳在銅鑼灣A出口時代廣場附近，位置方便，裝修乾淨企理，頗有日本情調。食物選擇豐富，我們點了【龍皇海鮮鍋】，省卻再費時搭配食物。海鮮鍋真是【龍皇】！特大隻龍蝦，帶子，聖子，蟹肉，足量經典海鮮，特大滿足有食慾！店員告知應先飲湯，品嚐原味海鮮，並主動上前幫忙筆湯，飲完湯後又幫我地筆海鮮，仲提我地要盡快享用海鮮避免肉質過硬。服務貼心，讚！【頂級牛頸脊】肉質上乘，肥瘦相間，過水即熟，鮮嫩不油膩，入口即化不塞牙，絕對頂級【珊瑚蚌拼桂花蚌】蚌肉鮮爽，睇得出選材新鮮，份量足，紅肉入口細膩，白肉入口爽脆，各有風味。【墨丸拼蝦丸】真真實實手打丸，包得緊實，超級彈牙！墨丸同蝦丸真材實料，推介！【芝士竹輪卷拼越式札肉】普通菜不普通，配海鮮鍋別有一番風味。【蟹皇餃】濃濃蟹皇味，造型精美，幾特別。再配一杯紅酒，今餐完美！