Asia Dining
寫食評
ENG
香港 澳門 深圳
味道
環境
服務
衛生
抵食
推介美食
正!!有好多甜品、小吃選擇!
正!!有好多甜品、小吃選擇!
正!chemex 手沖壺沖咖啡!次序由右上角張相開始,順時針沿外圍至中間果張咁睇。
正!chemex 手沖壺沖咖啡!次序由右上角張相開始,順時針沿外圍至中間果張咁睇。
即沖薩爾瓦多咖啡
等候時間
0分鐘 (堂食)
用餐日期
2012-08-06
是次消費
每人約HK$29
16
AUG 12

先前上網瀏覽時,無意間先發現pacific coffee 原來係名店坊開咗旗艦店;心諗,一、名店坊那裡有這麼大的店舖可供她開旗艦店?二、一間連鎖咖啡店開旗艦店,可以有咩咁旗艦呢?還不是賣咖啡?係好奇心促使下(兼路過附近) ,帶著友人們一同去冒險一下!tongue

係記利佐治街、即銅鑼地帶對面的門口進了名店坊,心想,能開在哪呢?結果走去看一看水牌...沒有...沒有pacific coffee 的名字...最後還好,遇上女職員給我們詢問一下;店還算是新開的吧?!新到水牌還未及更新呢...原來店在京士頓街街尾那邊,即係要係後門出去再行後d 轉入右邊條街,過晒IT shop 同d 名店,左邊嘅舖最尾果間便是了。

正!木木木木木!

正!木木木木木! - 銅鑼灣的太平洋咖啡)
正!木木木木木!

正!環保製品!

正!環保製品! - 銅鑼灣的太平洋咖啡)
正!環保製品!
先繞店嘅外圍行了一圈觀看,好大、好有空間感、很特別嘅店舖design,主打木桌、木椅、廢鐵塑膠再造椅等,整個旗艦店的裝潢、傢具、擺設都令人眼前一亮。店內設有咖啡機陳列及售賣區、環保再生品售賣架、兩台供客人上網用之電腦、一台大型烘焙/炒咖啡豆機、男女洗手間各一,店門外提供單車泊位及有數款單車出售,估計店內外座位約80至100,cashier 設於店內中央位置、設計成大U 型bar 枱般,左邊出售咖啡飲品、蛋糕、小食等,右邊主打出售旗艦店獨有特設的desserts,全是limited time,店員指該系列甜品全部都會不時更改。

正!!有好多甜品、小吃選擇!

正!!有好多甜品、小吃選擇! - 銅鑼灣的太平洋咖啡)
正!!有好多甜品、小吃選擇!
難得找到靚環境,加上晚上10點幾店內人客不多 (約20人內),當然要買杯咖啡坐低慢慢嘆吓啦!
友人看完牆上的黑板menu 後說道:「同平時pacific 嘅coffee 無咩分別咁嘅...」,店員即時遞上並介紹咗個特別coffee menu 俾我哋:「呢個menu 嘅咖啡飲品係呢間舖獨有的、特別d,平時其他分舖無嘅。」

特別咖啡menu

特別咖啡menu - 銅鑼灣的太平洋咖啡)
特別咖啡menu

有新野試,當仁不讓啦!!chopstick友人order 了熱的薩爾瓦多咖啡,我就揀了chocolate espresso。薩爾瓦多咖啡係用Chemex 手沖壺沖調而成的,飲呢杯咖啡可說是有表演加簡介睇!

店員邀請友人往右邊嘅courter bar 枱坐下,即席沖制、說明及指引顧客欣賞及品嚐!

正!chemex 手沖壺沖咖啡!次序由右上角張相開始,順時針沿外圍至中間果張咁睇。

正!chemex 手沖壺沖咖啡!次序由右上角張相開始,順時針沿外圍至中間果張咁睇。 - 銅鑼灣的太平洋咖啡)
正!chemex 手沖壺沖咖啡!次序由右上角張相開始,順時針沿外圍至中間果張咁睇。
第一步、店員先把濾紙好好的舖在手沖壺內側,用熱水慢慢繞著整個手沖壺內側360度注入,為整個Chemex 手沖壺連濾紙加熱。

第二步、舀出薩爾瓦多咖啡豆,用電子磅準確量住個份量,量好後遞前給友人先嗅一嗅全粒咖啡豆的香味;

繼而第三步、才把豆放進身後的磨豆機即時磨成咖啡粉末。

係開始第四步前,店員當然會把磨好後的咖啡粉遞上給友人再嗅一嗅 (讚!),「磨碎後個咖啡香味會更出、更濃,你聞下,同頭先仲係豆嘅時候有明顯分別的。」。不用湊近,身在一米外的我也顯然聞得到那陣陣咖啡香!shocked

第四步、當然係將咖啡粉全倒進濾紙上,然後慢慢注入熱水沖制。店員拎住長咀壺以慢慢慢速沿濾紙邊加入熱水,並說:「呢個步驟好重要,一定要keep 住咁樣慢慢加水,唔可以太快!用呢個速度加水先可以慢慢滴漏d 咖啡,咁先可以逼得晒d 咖啡味出來; 太快嘅話,就會唔夠咖啡味,嘥咗d 咖啡粉; 我地為咗沖好呢款咖啡,花咗好多時間去學沖、沖咗好多次!」

最後一步、待咖啡滴漏完,店員便把咖啡倒進瓷杯內,一杯精心沖制的香噴噴熱辣辣咖啡便完成了!


店員並沒有在咖啡沖制完上枱後就離開,靜心的等候友人喝下第一口及等待友人對咖啡的意見; 哈,誰知友人說:「沖咗咁耐、慢慢滴咗咁耐,d 咖啡仲好熱!」; 店員回說:「咁係因為我地一開頭咪加咗熱水入個Chemex 手沖壺內,預先用熱水暖住咗個壺,等到沖咖啡時個壺唔會因為有溫度差距而令滴出嚟嘅咖啡失溫。」之後友人喝下第一口後嘅評價係~~ 這杯咖啡無加糖或奶,但一點也不苦,沒有要加糖奶嘅需要,而且咖啡喝下去有著陣陣果味、可說是此杯咖啡不苦反含微甜的獨特之處。smile

此外,據店員所述,該Chemex 手沖壺乃由美國一家咖啡壺生產商所獨家設計、製造,是全球獨家的!其咖啡壺及各相關咖啡器具在港應很難搵到、可能無咩地方買得到的!shocked而pacific coffee 除購入其高質素咖啡壺外,當然也連其獨製之咖啡濾紙一拼購入,只要現場親身見識過其咖啡沖製,定必感受到除靚壺外,濾紙也是很重要的一環!有高質素濾紙才更能令咖啡可慢慢滲漏滴下、而濾紙亦一點也沒溶溶破破。

為保咖啡鮮味度,此店所用的咖啡豆全是用店內的咖啡炒豆機鮮炒燶的!店員指他們所用的已炒咖啡豆保用期不多過三天,所用的絕對全是三日內所炒製的,絕對新鮮!smilechopstick

特別menu 內的即沖咖啡飲品絕對值得推介!!值得去品嚐品嚐一下!!lol期待下次自己試下先!!

最右邊果部就係店內嘅咖啡炒豆機

最右邊果部就係店內嘅咖啡炒豆機 - 銅鑼灣的太平洋咖啡)
最右邊果部就係店內嘅咖啡炒豆機

chocolate espresso

chocolate espresso - 銅鑼灣的太平洋咖啡)
chocolate espresso
另本人因愛好朱古力,故order 了chocolate espresso!不吃得苦的我,向來對espresso 沒好感,因有朱古力才一試呢...... 結果還是不行!!其濃縮咖啡份量感覺比平常的espresso 還要濃 (好苦呢~~sad) ,是因為會加入甜甜嘅朱古力漿而更改濃度配搭的嗎?!此杯chocolate espresso 其實跟mocha 沒兩樣,只是把咖啡轉為超濃縮espresso 沖落朱古力漿度、及size 上變細為espresso size only; 飲品放在眼前,我曾用匙羹多番攪動此espresso,心知朱古力漿定必沉在杯底,可惜還是事與願違,攪了多番後一喝,依舊很苦呢,差不多一點甜味也沒有,只微微喝得出有朱古力味。當咖啡喝到最後,發現......整層約兩三mm厚的朱古力漿還在杯底呢huffy......估計是因為朱古力漿不夠液體化、偏硬身所致吧......sad此飲品沒什驚喜、有點失色呢~~

短期內會再訪此店嚐一嚐其甜品及再試其他即沖咖啡呢^^,而且見到店方像有本人喜愛的affogato 供應呢!mad

好靚嘅擺設設計!

好靚嘅擺設設計! - 銅鑼灣的太平洋咖啡)
好靚嘅擺設設計!
10
推介
已推介
3 推介
一個來自上海的吃貨
mslky2003
williwilli
unknown
Top
自小型咖啡店越來越多,和Habitu的出現,”SB”和”PC”已是我腦海以外的咖啡店mad。但今次”PC”開在優皮名店街中,佔地四千呎,木地板,的格局,加上只在此店有供應特色食品,把我招攬回來。 坐在舊時大...
新開的旗艦店 地方大分之大 除左係平時售賣咖啡,仲有好多擺設,感覺上有D 似去左博物館tim~tongue 我地新黎既時候仲有少少地方裝修緊,但都已經營業左 新地方吸引唔少人黎捧場smile 同朋友仔食完飯過黎湊熱鬧之餘...