更多
2015-03-25
1199 瀏覽
是日去完維園花展，諗起聽人講過話而加一蘭已經唔似開業嗰時咁要排長龍，所以就行去睇下。大概中午12點去到，果然無人，完全唔使等，仲大把位。我未去過日本所謂正宗0既拉麵店，一入去只係覺得呢度0既格局幾特別。一格格之餘，斟水係自己個位，可惜只有冰水，問店員都話無暖水供應。而座位後面就有紙巾供應，座位上仲有意見書同教你點樣點拉麵。呢張係點拉麵0既紙，有濃唔濃味，油唔油，幾多香蒜，要咩類蔥等俾你選，仲可以選麵0既硬度同其他配料，例如溏心蛋,木耳等等，不過要額外加錢。總括嚟講，$89一碗拉麵，無咩材料，叉燒都係得兩片仔，雖然佢係做到你係點菜紙上面0既要求，但真係太細碗，又無service可言，超唔抵食。湯底就算係選左普通，都係太重味，麵質同叉燒同一般5,60蚊碗0既拉麵完全無分別，下次唔會再去食啦!
所以就行去睇下。
大概中午12點去到，果然無人，
完全唔使等，仲大把位。
我未去過日本所謂正宗0既拉麵店，
一入去只係覺得呢度0既格局幾特別。
一格格之餘，
斟水係自己個位，
可惜只有冰水，問店員都話無暖水供應。
而座位後面就有紙巾供應，
座位上仲有意見書同教你點樣點拉麵。
呢張係點拉麵0既紙，有濃唔濃味，油唔油，幾多香蒜，要咩類蔥等俾你選，仲可以選麵0既硬度同其他配料，例如溏心蛋,木耳等等，不過要額外加錢。
總括嚟講，$89一碗拉麵，無咩材料，叉燒都係得兩片仔，雖然佢係做到你係點菜紙上面0既要求，
但真係太細碗，又無service可言，超唔抵食。
湯底就算係選左普通，都係太重味，
麵質同叉燒同一般5,60蚊碗0既拉麵完全無分別，
下次唔會再去食啦!
張貼
