更多
2015-02-22
1602 瀏覽
呢間鋪開左咁耐又成日聽人講話成89蚊一碗麵都咁多人黎，仲要排2個幾鐘先食到。開鋪咁耐都一直未有機會黎，直到今日，趁年初三應該少D人，傍晚六點鐘就去排隊，去到鋪A，已經排到出街，過左陣職員叫我地去鋪B，入到去仲有10幾人係我地前面，好彩前前後後都係等左15分鐘到。去到鋪B，一入到去職員已經俾定ORDER 紙我地，湯既濃度同油膩度我揀左普通，香蒜揀左少許，蔥揀左白蔥，叉燒梗係要啦，秘製醬汁揀左2倍，麵揀左普通硬度。入到去就好似自修室咁，一人一格，碗麵到左之後就會落廉，唔會有人騷擾你架啦，唔好處就係同同行既朋友好難傾到計。水係自助既，D水好好飲，好有山水風味。由坐低到碗麵送上前後唔洗10分鐘，真係快靚正。以上既野就盛惠89元，係，個湯係幾好味既，但係得果兩片叉燒，似乎真係唔多抵食囉，係，係可以加隻蛋，但要多12大元，唔抵食。個麵其實一般細食既女仔都係剛剛好，一般男士應該唔夠食既，加一個麵要19蚊，半個就15蚊。值得一題既係呢個豆腐甜品，係落ORDER後但未有麵食時無意中發現呢個豆腐甜品原來係兩食，食麵前食一口，清清個口，咁先可以試到拉麵真正既味道，食完麵後可以加埋黑糖醬當甜品食。29蚊有2個
去到鋪B，一入到去職員已經俾定ORDER 紙我地，湯既濃度同油膩度我揀左普通，香蒜揀左少許，蔥揀左白蔥，叉燒梗係要啦，秘製醬汁揀左2倍，麵揀左普通硬度。
入到去就好似自修室咁，一人一格，碗麵到左之後就會落廉，唔會有人騷擾你架啦，唔好處就係同同行既朋友好難傾到計。
水係自助既，D水好好飲，好有山水風味。
由坐低到碗麵送上前後唔洗10分鐘，真係快靚正。
以上既野就盛惠89元，係，個湯係幾好味既，但係得果兩片叉燒，似乎真係唔多抵食囉，係，係可以加隻蛋，但要多12大元，唔抵食。個麵其實一般細食既女仔都係剛剛好，一般男士應該唔夠食既，加一個麵要19蚊，半個就15蚊。
值得一題既係呢個豆腐甜品，係落ORDER後但未有麵食時無意中發現呢個豆腐甜品原來係兩食，食麵前食一口，清清個口，咁先可以試到拉麵真正既味道，食完麵後可以加埋黑糖醬當甜品食。29蚊有2個，可以同朋友一人一個。
題外話/補充資料：
講真拉麵同甜品味道真係相當好，係價錢方面真係貴左D，想要多D配料既真係可能要110-120蚊食到啦。
(以上食評乃用戶個人意見 , 並不代表OpenRice之觀點。)
張貼
