更多
2017-09-21
237 瀏覽
鍾唔鍾意佢D嘢食就見仁見智啦,但係我覺得真係唔能夠唔佩服喜喜呢種“玩味”精神,大門口擺張乒乓波枱都夠膽死!概念嚟自《食神》?搬舖後嘅喜喜冰室,有機會從新裝修,確實係玩嘢玩到盡,整體上係“喺舊銅鑼灣搭小巴” feel,而枱面嘅梳打餅罐、漱口盅、菲林筒(裝牙籤)、方糖罌,真係可以玩嘅都玩哂。而牆上佈滿cassette帶,舊唱片,見番中森明菜隻日本版精選幾開心。冰室内播放住張國榮、梅艷芳、譚詠麟嘅舊片,完全80年代。仲要記住去厠所打保齡!我嗌咗鮮茄燴牛脷意粉,今時今日唔係度度有得食,所以難得一見一定要嗌。上菜,份量嫌少,意粉似乎未掠乾水,令整體上“稀咗”,我自己加地捫茄汁補救,大致滿足。細個最愛吃南亞嘅燴意粉,又揾日去回味吓。
鍾唔鍾意佢D嘢食就見仁見智啦,但係我覺得真係唔能夠唔佩服喜喜呢種“玩味”精神,大門口擺張乒乓波枱都夠膽死!概念嚟自《食神》?
搬舖後嘅喜喜冰室,有機會從新裝修,確實係玩嘢玩到盡,整體上係“喺舊銅鑼灣搭小巴” feel,而枱面嘅梳打餅罐、漱口盅、菲林筒(裝牙籤)、方糖罌,真係可以玩嘅都玩哂。而牆上佈滿cassette帶,舊唱片,見番中森明菜隻日本版精選幾開心。冰室内播放住張國榮、梅艷芳、譚詠麟嘅舊片,完全80年代。仲要記住去厠所打保齡!
我嗌咗鮮茄燴牛脷意粉,今時今日唔係度度有得食,所以難得一見一定要嗌。
上菜,份量嫌少,意粉似乎未掠乾水,令整體上“稀咗”,我自己加地捫茄汁補救,大致滿足。
細個最愛吃南亞嘅燴意粉,又揾日去回味吓。
張貼