利寶閣 (已結業)

首次來試，事前瀏覽過呢度食評，對呢間都算幾大期望。但試過後就覺得只係麻麻地。是日book 左房訂兩圍食晚飯。乳豬…呢度馳名菜，都真係幾好，皮脆又肥瘦適中。包乳豬嘅皮係我鍾意嗰種甜甜地又有厚度嘅。不過數量略嫌太少，個侍應幫我地分曬d皮，但隻乳豬仲有成半隻剩，難道其他唔使包黎食？！？！西芹帶子豬頸肉…冇特別鮑魚生菜…好似好矜貴，但其實一 d 味都冇清蒸海上鮮…家人話係斑黎架喎！但我理得你斑唔斑，最緊要好唔好食。而我就覺得蒸得鞋得滯蕃茄湯浸白菜仔…都係冇乜味甜品…蛋散好味呀！桂花糕同芒果糯米糕都好食總結：覺得呢度名大過實， 其實我仲有叫其他餸，不過都冇特別好食，然後都係冇乜味，所以我就省略左唔寫喇！我覺得呢度未至於難食嘅。。。但唔係傳說中咁好食囉！鍾意清淡口味嘅，可以黎試下嘅。至於服務就真係唔多掂。話說我地每圍加左五百蚊所以可以任飲酒水，但 唔知係咪因為咁，杯酒飲曬好耐都唔會有人幫你斟！要出幾次聲佢地先會幫你，如是者幾次，後尾真係有少少谷鬼氣，叫佢地一次拎幾罐黎我地自己斟仲快！不過甜品有幫呢度加返分！