Lawry's The Prime Rib (已搬遷) 新店位置

由銅鑼灣舊店已經開始食，次次都係食晚餐，今次第一食佢哋嘅lunch ,星期六佢係以半自助餐形式，沙律、湯同甜品都係自己出去拿，而主菜就有幾款可以選擇，有海鮮同燒牛肉幾款！我當然選左佢哋最出名嘅Prime rib set - Hong Kong cut，佢包兩個drink , welcome drink 我揀左菠蘿汁，非常新鮮好飲！前菜係自己出去拿，沙律有三款菜 ，我最鐘意佢有蛋碎同炸麵包粒！煙三文魚味道濃郁肉質柔軟，cold cut 都有一兩款，味道平平，但係佢個南瓜湯亦用料十足，好喜歡佢嘅質感！食完都飽左四五成，之後就叫佢上主菜，Hong kong cut 比之前食開嘅薄少少，但如果係半自助餐形式就已經夠食，我食左五成熟，佢side dish 嘅薯容質感幼滑再配佢個燒汁十分配合，主角prime rib每次都不會令人失望，五成煮啱啱好，中間粉紅色的部分肉質十分嫩滑，而比較外層牛展位牛味十足，肉汁保留在肉內完全不會有乾嘅感覺！另外仲有我好鐘意嘅烤餅，用佢把碟上所有燒汁和肉燒吸收埋嚟食，真係令人再三回味！