大少爺茶餐廳 (已結業)

昨日同朋友來跑馬地買東西，原本想吃上海野，但發覺已沒營業，看到隔離街有這間大少爺就試試。我們點了兩客食物-- 焗蕃茄豬扒飯同焗白汁芝士龍脷意粉, 仲有兩杯嘢飲。食物都OK。豬扒幾淋飯都夠味，只是個意粉有D淡。但服務認真惡劣。一入到去見到門口有張卡位無人，但佢地話有人book咗叫我地坐普通枱。咁都ok。啱啱落咗單見有張卡位有人走就問侍應可唔可以轉卡位，個年青細路侍應一句「唔得」就黑面行開咗。真係好少見D咁無禮貌嘅人。問D侍應攞碗仔同公叉又差唔多掟落張枱咁滯。成班爛仔咁，一D家教都冇。到我地食完走時，嗰兩張卡位都冇人坐。其實我諗佢地係將D卡位留畀熟客，生客就免問。與其咁唔願做生客生意，食物水準沒有特別，價錢又貴，咁不如變做私人會所只招待會員啦。本來一歺開心晚飯嘅心情就畀呢間野破壞咗喇。