更多
2013-02-03
2588 瀏覽
最近係香港天際萬酒店嘅 Facebook 專頁玩遊戲，找出兩張圖片中該酒店新春下午茶嘅不同之處，有幸成為得獎者，獲得新春下午茶兩位，真係勁開心。酒店位於機場附近，近亞洲博覽館。我們坐地鐵東涌線去東涌站，再轉酒店嘅免費穿梭巴士到達。穿越巴士嘅候車處係地鐵站 A 出口，向左邊行出少少，就會看到有一條柱貼上來往酒店嘅巴士時間表，嗰度就係排隊嘅地方。穿越巴士來往東涌站和酒店係 30 分鐘一班車。我們就坐 14:15 的一班車，大概十分鐘嘅車程，就到達酒店門口。而酒店門口亦提供來往酒店和迪士尼樂園，及來往機場客運大樓一號及二號，所以交通也尚算方便。一進酒店門口就已經看到酒廊，即係我哋 High Tea 嘅地方，而酒廊嘅右邊就係餐廳。在酒廊嘅左邊係接待處，而再行入啲就有一個好似紀念品嘅商務中心，內裡有各式各樣嘅紀念品之外，還有常見嘅杯麵，而且要 $30 一杯！商務中心較入嘅位置有個電腦角落，提供電腦及打印等服務，而電腦上更有 Web Cam，方便客人使用。而商務中心隔離更有櫃員機，可以話係設備齊全。由於下午茶是由三點開始，於是去問問酒廊嘅職員可否先進內，我們被安排在窗邊嘅位置，除了可以望到海之外，
酒店位於機場附近，近亞洲博覽館。我們坐地鐵東涌線去東涌站，再轉酒店嘅免費穿梭巴士到達。穿越巴士嘅候車處係地鐵站 A 出口，向左邊行出少少，就會看到有一條柱貼上來往酒店嘅巴士時間表，嗰度就係排隊嘅地方。穿越巴士來往東涌站和酒店係 30 分鐘一班車。我們就坐 14:15 的一班車，大概十分鐘嘅車程，就到達酒店門口。而酒店門口亦提供來往酒店和迪士尼樂園，及來往機場客運大樓一號及二號，所以交通也尚算方便。
一進酒店門口就已經看到酒廊，即係我哋 High Tea 嘅地方，而酒廊嘅右邊就係餐廳。在酒廊嘅左邊係接待處，而再行入啲就有一個好似紀念品嘅商務中心，內裡有各式各樣嘅紀念品之外，還有常見嘅杯麵，而且要 $30 一杯！商務中心較入嘅位置有個電腦角落，提供電腦及打印等服務，而電腦上更有 Web Cam，方便客人使用。而商務中心隔離更有櫃員機，可以話係設備齊全。由於下午茶是由三點開始，於是去問問酒廊嘅職員可否先進內，我們被安排在窗邊嘅位置，除了可以望到海之外，亦望到港珠澳大橋嘅工程，工程用嘅大圓筒，船隻靠泊嘅碼頭，行李貨物上落及吊運嘅過程，仲有幾個貨櫃和泊車嘅地方，呢個景觀令我覺得好似係公司餐廳食緊 Tea 嘅感覺，哈哈。另外亦不時見到有飛機經過，會勾起我想去旅行嘅意慾。
餐廳酒廊設計簡約，梳化位令人坐得舒適，由於全是落地玻璃，直接用日光，到傍晚時分才用燈光，橙色嘅燈光加上玻璃鏡面反射，成個感覺都唔同晒。而酒廊門口擺放了新春下午茶嘅餐牌和一個樣本，客人可以看完再決定是否選擇這個 High Tea Set。餐廳內人流不太多，以遊客為主，有些在閒聊，有些在打機，有些在閉目養神。
其實新春下午茶 High Tea 係香港天際萬豪酒店為咗迎接蛇年嘅來臨，推出嘅賀年應節美食系列其中之一，其他嘅應節食品就有常見嘅賀年糕點，新春菜式及 XO 醬。新春下午茶 High Tea 和西式嘅 High Tea 一樣，用上三層高嘅金屬架，不過擺放嘅食物就係十多款嘅中式糕點，酥點，鹹點及點心，有『盤滿砵滿，步步高昇』嘅意思。而下午茶更提供精選茗茶供大家選擇，有清香及濃香烏龍茶：大紅袍 (Great Red Robs)，烏龍 (Oolong)，有綠茶及白茶：洞庭碧螺春 (Bilouchun)，銀針白毫 (Silver Needles) 及花香茶：菊普 (Chrysanthemum)，茉莉花香片 (Jasmine Green Tea)。係等待食物嘅時候，我哋兩個都揀咗洞庭碧螺春 (Bilouchun)，職員各自奉上一壺茶，係一人一壺，還為我們倒茶。洞庭碧螺春係中國十大名茶之一，係綠茶嘅一種，不過除此之外，我就不太清楚，因為平時少飲茶，沒有太多研究。這杯茶嘅顏色淡黃，很清澈，飲起來香氣濃郁，而味很醇。
轉眼間，新春下午茶 (Fortune High Tea Set) 就放係眼前，又係我哋拍照嘅時候，三層高嘅金屬架，最頂嘅一層有一個小蒸籠，籠內放咗兩款餃，而中間放咗像兩朵花嘅酥點，而另一邊就放咗兩件多士。第二層就放咗兩條錦鯉糕點，笑口棗和油角。最底一層就有炸饅頭，馬仔和楊枝甘露。由於太肚餓，我哋正式開餐喇！
全年好市餃 (Steamed Shrimp dumplings with dried oysters)大大隻蠔鼓放係餃子上，未食都覺得好吸引！餃子皮係雲吞皮，皮很薄很滑，而餡料係蝦肉，蝦肉彈牙爽口，不錯不錯！蠔鼓好肥大，身圓脹脹的，棕色得來色澤鮮明，食落好有蠔嘅鮮味，好好味，好正！
我哋仲不停 Refill 呢個全年好市餃，我一共食咗 5 隻呀！哈哈！而我們增添嘅全年好市餃，似乎係即場再蒸，熱呼呼的餃子比較軟身，而且蠔鼓個樣唔同咗，無咁脹，而且啲蠔邊會繞起，點解呢兩款蠔唔同樣，有咩分別呢？問咗好多人都未知答案，可能要問番大廚先得。不過食落依然蠔味十足，真係食到停唔到口，係 Refill 嘅必然選擇！
恭喜發財餃 (Steamed chicken dumplings with black mushroom and sea moss)顧名思義，發財餃就有髮菜，不過最令人印象深刻嘅係長長嘅杞子。恭喜發財餃係用蝦餃皮，橙色嘅餃子有點像金元寶，另外有鮮露荀點綴，賣相也很精緻。餡料係用雞肉和冬菇碎做成，食起來好多汁，加上杞子，髮菜和露荀，味道清新，係 Refill 嘅第二選擇，我食咗兩隻呀。
多福多壽蝦多士 (Deep-fried toast with shrimp mousse in smoked salmon premium xo sauce)蝦多士很香脆，而多士上大大塊蝦蓉肉係配上天際萬豪酒店自家製嘅煙三文魚 XO 醬。第一次見用煙三文魚做 XO 醬，原來係大廚嘅精心研製，用煙三文魚再加上瑤柱，泰式蝦膏油醬，指天椒同豆瓣醬等配料，果然與別不同。蝦蓉食落好彈牙，加上蝦多士上有芝麻， 再配合淡淡嘅 XO 醬味，很香口惹味，我們也添食咗一次！
笑口常開笑口棗 (Crispy sweetened sesame flour puff)
好耐無食過笑口棗，平時除咗婚宴之外，都唔會特別叫來食。不過新春美食又點少得笑口棗 ，笑口棗上滿佈芝麻，食落好香好鬆化。
龍馬精神脆馬仔 (Classic honey-glazed flour pieties)今日食嘅甜點都係我平時唔會叫嚟食嘅，馬仔就係其中一樣，用雞蛋，麵粉同蜜糖為主嘅馬仔對我來說吸引力不大，食落甜度適中，不過不失。
黃金滿屋饅頭 (Golden crispy bun served with condensed milk)
金色嘅炸饅頭好吸引，外脆內軟，加埋煉奶一齊食，係最好嘅配搭。
盤滿砵滿甜油角 (Deep-fired peanut dumplings)
油角又係好耐都無食過嘅賀年食品之一，油角皮鬆脆，內裡啖啖粒粒花生芝麻，食落好香口。
花開富貴牡丹酥 (Lotus puff)橙紅色和黃色嘅酥皮面包住餡料，就好似一個含苞待放嘅花，顏色鮮豔。層層酥皮好鬆化，餡料甜而不油膩。不過我留意到餐牌英文係用 Lotus (蓮花)，而唔係用 Peony (牡丹)。
年年有餘椰汁糕 (Chilled coconut pudding)
用椰汁糕製成的立體錦鯉，有『年年有餘，鯉躍龍門』嘅意思， 兩隻錦鯉都做得栩栩如生，意頭十足。椰汁糕很清甜，可以食晒成條錦鯉也唔會濟。
楊枝甘露 (Chilled mango cream with sago and pomelo)細細杯嘅楊枝甘露，芒果和柚肉也很鮮甜，味道不錯，如果不是已經食得好滿足，我們都打算添食呢個糖水。
這個新春下午茶意念創新，大廚精心設計合適嘅應節食品和配上好意頭嘅名，很有心思。由於賀年美食大多以煎炸烹調，而且可以獨立擺在架上嘅食物款式可能不多，所以餐牌中無可避免地以炸物為主，一次過食可能會比較油膩，幸好可以配上中國茗茶，中和消滯感覺。值得留意嘅係新春下午茶星期六，日及公眾假期係由下午三點至五點九，五點半就是 Last Order，每位 HK$218，另加一服務費，而且係可以無限量添食架。總括而言，餐廳環境尚算清靜，服務態度和食物質素也不錯，係週末閒聊嘅好地方。如果有機會都想試佢哋嘅賀年糕點和其他菜式。
張貼
