更多
2013-04-15
9376 瀏覽
因為是曰為生日而且要坐零晨一㸃半機嘅關係，咁啱又做緊團購，所以天際萬豪嘅Skycity Bistro 自助餐係我嘅選擇。Reception 員工非常有禮，而且因為團購，果汁(苹果，橙，菠蘿無限refill)，否則另加$68再加10%。 主提係生蠔海鮮自助餐，當然係食生蠔先啦！第一眼見到啲生蠔已經覺得唔對路…… 因為啲生蠔唔係即開，係厨師由雪櫃一盤盤咁攞出嚟refill，睇個樣似係急涷貨！ 一於乜都唔加，食二隻試吓先……唔食由自可，一食把鬼火！入口係淋pet pet得好犀利但又唔係creamy種感覺而且全無海水味只有雪味可以立即判斷啲生蠔係急涷貨。 其他涷海鮮嚟講，蝦就OK……幾甜。長腳蟹都不斷refill……不過我無食。 日本魚生&壽司平平無奇，沙律有幾種選擇……泰式柚子沙律最掂當！但係啲羅馬生菜黄晒都唔收返照出俾啲客食!其他熱盤都係大路嘢，無乜驚喜，應該無原條蒸魚，只係得煎魚塊。咖喱及燒羊脾又出奇地好食喎！甜品方面居然有原個冰糖煮雪梨，其他嘅都係好一般。
Reception 員工非常有禮，而且因為團購，果汁(苹果，橙，菠蘿無限refill)，否則另加$68再加10%。
主提係生蠔海鮮自助餐，當然係食生蠔先啦！第一眼見到啲生蠔已經覺得唔對路…… 因為啲生蠔唔係即開，係厨師由雪櫃一盤盤咁攞出嚟refill，睇個樣似係急涷貨！
一於乜都唔加，食二隻試吓先……唔食由自可，一食把鬼火！入口係淋pet pet得好犀利但又唔係creamy種感覺而且全無海水味只有雪味可以立即判斷啲生蠔係急涷貨。 其他涷海鮮嚟講，蝦就OK……幾甜。長腳蟹都不斷refill……不過我無食。
日本魚生&壽司平平無奇，沙律有幾種選擇……泰式柚子沙律最掂當！但係啲羅馬生菜黄晒都唔收返照出俾啲客食!
其他熱盤都係大路嘢，無乜驚喜，應該無原條蒸魚，只係得煎魚塊。
咖喱及燒羊脾又出奇地好食喎！
甜品方面居然有原個冰糖煮雪梨，其他嘅都係好一般。
題外話/補充資料：
結論：除非有必要到機場，否則特登坐車嚟食，even係團購價都唔係聰明嘅選擇。另外唔好用JW嘅標準來評價，你就自然開心一點。
我同我嘅另一半食呢餐除咗團購價$596外，另加每位$52加一，即每人$350。
(以上食評乃用戶個人意見 , 並不代表OpenRice之觀點。)
張貼
