Pickled Pelican (已結業)

星期日去左赤柱食下午茶，差不蛋三點到，周圍都幾多人喎，無book位，諗住咁多餐廳應該ok。想入Boat House但無位囉，所以去左隔離果間Pickled Pelican，坐樓上因為驚落雨。好似都幾多野食，不過可惜全部都無Set，要散點。點左迷你牛胸包配辣根忌廉，個包脹卜卜好得意，薯條都好脆好新鮮！仲點左脆辣雞翼伴莞茜配藍芝士醬。本來以為會似水牛城雞翼，但原來一D都唔似，味道無乜特別，而且一D都唔辣，點左個醬好食D。意式馬鈴薯粉糰伴蘑菇、南瓜、菠菜配香草忌廉汁。呢個幾好味，忌廉味濃而且好香濃，馬鈴薯粉糰可以有D膩但佢配蔬菜，所以覺得幾好，而且都有好多蘑菇、南瓜同菠菜，仲有松子仁，好有口感！同埋點左墨西哥粟米片配芝士辣牛肉醬、蕃薯茸、酸忌廉及牛油果醬。哇，個醬好大兜，差D以為佢係主角，粟米片係配角，但原來佢將芝士辣牛肉醬、酸忌廉同牛油果醬放埋同一兜，所以錯覺以為佢好大兜。個醬都幾好味既，不過酸忌廉同牛油果醬就少左D，而且蕃薯茸個兜好細個，好難點。飲品只點左一杯芒果奶昔，無乜特別。四個大人一個細路食左六百幾蚊，都坐得幾舒服，本來想點甜品，但可能食得太多炸野好似好膩咁，下次有機會再試其他野啦