更多
2014-11-16
446 瀏覽
上次嚟weekend太多人, 見到有即開生蠔吧可以即食，仲有其他海鮮，例如活龍蝦、即煮藍靑口、即煮活蜆，已經想試，但完全無位可以坐！未能品嘗，今日平日嚟下午茶，3個人一去到就有位！點咗活煮藍青口，美國焗蠔4隻（配料：煙肉、芝士、洋蔥）蜆肉周打湯，汽水一杯，另外今日做優惠滿$200，送一客炸芝士龍蝦丸。藍青口時間控制好好，咬落juice肥美，煮得唔會過火而太實，只係簡單配合蒜䈶煮已經帶出鮮味！👍😋焗蠔應該係即開即焗，上碟仲有玉米配日式沙律汁做伴碟，等待時間要較長，蠔雖然係較為細隻，唔係好夠喉，但好新鮮，而且配合煙肉芝士好野味！👌炸芝士龍蝦丸，相對就較為普通，但咬落蝦肉都幾彈牙，芝士仲可以拉出條缐。而蜆肉周打湯，配有2件蒜蓉包，個湯蜆肉粒都飲唔到有，反而似係飲緊一個薯仔蓉湯多D，因為真係只有好濃嘅薯仔味道！😩以超市內的食店來講，整體水準不錯，活煮藍青口亦係見到其他食客必叫的item! 但服務員就態度真係好一般！😆行到去櫃檯點菜，明明3個人企喺度，有2個就整緊旁邊酒櫃機器，見到你企喺度想叫野都無反應，叫咗3次「唔該！」，其中一個唔係整機嘅先問「要D咩？」但係一D笑容都無，而且說話無尾音，仲好
上次嚟weekend太多人, 見到有即開生蠔吧可以即食，仲有其他海鮮，例如活龍蝦、即煮藍靑口、即煮活蜆，已經想試，但完全無位可以坐！未能品嘗，今日平日嚟下午茶，3個人一去到就有位！
點咗活煮藍青口，美國焗蠔4隻（配料：煙肉、芝士、洋蔥）蜆肉周打湯，汽水一杯，另外今日做優惠滿$200，送一客炸芝士龍蝦丸。
藍青口時間控制好好，咬落juice肥美，煮得唔會過火而太實，只係簡單配合蒜䈶煮已經帶出鮮味！👍😋
焗蠔應該係即開即焗，上碟仲有玉米配日式沙律汁做伴碟，等待時間要較長，蠔雖然係較為細隻，唔係好夠喉，但好新鮮，而且配合煙肉芝士好野味！👌
炸芝士龍蝦丸，相對就較為普通，但咬落蝦肉都幾彈牙，芝士仲可以拉出條缐。
而蜆肉周打湯，配有2件蒜蓉包，個湯蜆肉粒都飲唔到有，反而似係飲緊一個薯仔蓉湯多D，因為真係只有好濃嘅薯仔味道！😩
以超市內的食店來講，整體水準不錯，活煮藍青口亦係見到其他食客必叫的item! 但服務員就態度真係好一般！😆行到去櫃檯點菜，明明3個人企喺度，有2個就整緊旁邊酒櫃機器，見到你企喺度想叫野都無反應，叫咗3次「唔該！」，其中一個唔係整機嘅先問「要D咩？」但係一D笑容都無，而且說話無尾音，仲好似你阻住佢，好唔想做咁！😑😑
張貼
