橫濱水手 (已結業)

今日好想食壽司，不過想去果間full 左，就去東廣場睇下有咩食。呢間手卷小店，雖然得幾張摺枱但都差唔多爆滿，手卷款式都好多，又有海鮮丼同小食，都幾多選擇。枱面已經有溝好既豉油，有辣有唔辣，仲有千島醬，芥末沙律醬比你任吱。我想講芝士玉子燒真係好好食😍蛋好滑熱辣辣，入面仲有啖飯，加埋芝士好正。手卷叫左三款，d 料都幾足。京蔥三文魚，好多京蔥加埋三文魚好肥美。雙倍蟹皇手卷，個蟹膏都幾鮮味，入邊有蟹子蟹柳。半板鮮海膽手卷😜，好多啊，個海膽都ok,起碼易入口。不過佢d 手卷唯一既敗筆係塊紫菜，唔脆既，實在失色甜蝦刺身，開頭以為個頭唔新鮮黑晒😂原來d 膏係藍色，面頭果d 以為係冰，原來係啫哩黎，不過就無味，d 蝦味道幾鮮甜。炸軟蟹略嫌有d 燶，不過入面幾juicy唯一一樣唔好叫既係加洲卷，飯太多了，食到好飽由於燒玉子太正，忍唔住再叫多份，今次係有明太子，不過味道唔係好出，個人鍾意芝士多d食到好飽，如果有一口熱茶就好喇，可惜得凍飲就叫左青檸味波子汽水，不過個味就唔係好覺係青檸。呢間小店可以過下口癮，如果有壽司更加好。不過落單有d 煩，因為太多款記唔到咁多，如果可以畫紙仔應該更方便，上菜速度亦非常快。