更多
2015-03-02
1414 瀏覽
作為EARL GREY 控係FB見到有以茶為主打既餐廳。二話不說就去試下。掃佢啲EARL GREY 野。小店藏身係觀塘工廠區內。APM行五分鐘到。跟地圖唔難摩到上黎。可幸唔洗等位。十分鐘就已經要排隊了。等野食黎之際欣賞下店內環境。用上綠色做主調十分之咁清新。配上木紋既櫈。幾夾。每枱都有一杯綠色花。身處咁綠既環境真係好似離開左工業區咁。野飲叫左伯爵茶朱古力。店員話熱飲好飲啲咁就黎杯熱嫁啦。黎到聞到有EARL GREY香味。有朱古力色。滿心歡喜啦。點知飲落卻係同水冇分別。杯野個BODY如水般薄。味道如水般淡。完全同由個鼻接收到既係完全唔同。就算要求額外再加朱古力粉都只係君子之交。想像唔到凍既會係乜景況。唔通真係要唱：生活。。。。到尾半杯有剩。卡邦尼意粉。一黎真係幾IMPRESS。你知啦平時餐廳啲MENU十居其九圖片只作參考。不過呢到除左蕃茄變左菜之外竟然似到十足。可惜再一次視覺與味覺不乎。就算最多蛋黃果啖都冇乜黏口既感覺。不論係忌廉定芝士都感覺唔到。完全係極清新版。可以細味意粉原味。FINE黎CAFE叫意粉唔好有期望是基本的常識吧。兩人食淨半碟。跳去食主打既甜點。是日係抹茶味既心太軟。雪糕
作為EARL GREY 控係FB見到有以茶為主打既餐廳。二話不說就去試下。掃佢啲EARL GREY 野。小店藏身係觀塘工廠區內。APM行五分鐘到。跟地圖唔難摩到上黎。
可幸唔洗等位。十分鐘就已經要排隊了。等野食黎之際欣賞下店內環境。用上綠色做主調十分之咁清新。配上木紋既櫈。幾夾。
每枱都有一杯綠色花。身處咁綠既環境真係好似離開左工業區咁。
野飲叫左伯爵茶朱古力。店員話熱飲好飲啲咁就黎杯熱嫁啦。黎到聞到有EARL GREY香味。有朱古力色。滿心歡喜啦。點知飲落卻係同水冇分別。杯野個BODY如水般薄。味道如水般淡。完全同由個鼻接收到既係完全唔同。就算要求額外再加朱古力粉都只係君子之交。想像唔到凍既會係乜景況。唔通真係要唱：生活。。。。到尾半杯有剩。
卡邦尼意粉。一黎真係幾IMPRESS。你知啦平時餐廳啲MENU十居其九圖片只作參考。不過呢到除左蕃茄變左菜之外竟然似到十足。可惜再一次視覺與味覺不乎。就算最多蛋黃果啖都冇乜黏口既感覺。不論係忌廉定芝士都感覺唔到。完全係極清新版。可以細味意粉原味。FINE黎CAFE叫意粉唔好有期望是基本的常識吧。兩人食淨半碟。跳去食主打既甜點。
是日係抹茶味既心太軟。雪糕配搭有得揀梗係又係EARL GREY。樓下好評甚多諗住冇死啦。
有圖有真相。呢個心太軟個心係軟既但係好肯定個太字比人食左啦。LAVA CAKE更加就影都冇喇LAVA。如果佢叫抺茶心軟蛋糕就合格既。因為抺茶味好足。另外合雪糕正名係EARL GREY朱古力雪糕。咁點解個MENU又要食左朱古力呢三個字呢。又唔見你食左心太軟個太字。不過就算落曬成個EARL GREY朱古力雪糕都係個名有問題。因為佢比杯野飲好少少有朱古力味但係就零EARL GREY。凍既聞唔出正常。食落都冇。飲啖水再食都冇。WELL。。。
味覺問題？一轉食落樓食個下午茶果時味覺又好正常（冇計同冇食野好似冇分別）。只能夠講一句好失望。以茶做主打的確有得做。君不見茶家。川善一位難求？想要做得起。人氣故然重要。但係產品質素更重要。新一年未到正月十五就中伏。抵我唔訓都即晚打個負評比你。
題外話/補充資料：
其實負評有冇機會編輯推介？我跟足指引打嫁
(以上食評乃用戶個人意見 , 並不代表OpenRice之觀點。)
張貼
