更多
2014-07-28
2638 瀏覽
報紙全版廣告$1488仲夏宴，有龍蝦伊麵、龍躉兩食、百花釀蟹鉗等等，這個價錢本來就不應抱太大期望，但昨晚的經歷令我覺得，食套餐是來乞嗎？1. 說好的橙汁2渣，來的只有1渣，問侍應，她指著1渣的橙汁夾硬說「這就是2渣」 ; 我們不喝啤酒，可以換汽水嗎？「冇架，套餐冇得換」 2. 來了滿檯餸，再來一碟，放不下，阿姐沒有執拾在檯上吉碟的企圖，只隨意找檯中心的一個小吉位疊上去 3. 正題來了，乳鴿吃完，來了一碟炸蝦，餐單上是沒有的，不要以為是送的。望望餐單，原有的百花釀蟹鉗沒來，問問阿姐，阿姐說「今晚冇蟹鉗，食呢啲！你地冇預訂，冇就會轉啦」．．．下！我地明明是早一天預訂的，怎麼沒預訂？！機印上菜單也打著百花釀蟹鉗，完全冇人提過轉炸蝦！！！嘈完一輪，阿姐前後來回三次說，像機械人般說出熟練的台詞，呢個係特價餐，呢個係特價餐，呢個係特價餐，茅就會轉。真係火都嚟埋！一．廣告大大隻字寫住仲夏宴，不是甚麼特價餐！二．特價餐又可隨意轉菜式嗎？老爸問她，無龍躉係咪拎碟泥鯭來？我地冇$1488，俾$148可以嗎? 出動到海關、商品說明條例、食環、報紙（下刪萬字） 經理來了，拋下一句「轉返碟蟹鉗俾你地，等陣
1. 說好的橙汁2渣，來的只有1渣，問侍應，她指著1渣的橙汁夾硬說「這就是2渣」 ; 我們不喝啤酒，可以換汽水嗎？「冇架，套餐冇得換」
2. 來了滿檯餸，再來一碟，放不下，阿姐沒有執拾在檯上吉碟的企圖，只隨意找檯中心的一個小吉位疊上去
3. 正題來了，乳鴿吃完，來了一碟炸蝦，餐單上是沒有的，不要以為是送的。望望餐單，原有的百花釀蟹鉗沒來，問問阿姐，阿姐說「今晚冇蟹鉗，食呢啲！你地冇預訂，冇就會轉啦」．．．下！我地明明是早一天預訂的，怎麼沒預訂？！機印上菜單也打著百花釀蟹鉗，完全冇人提過轉炸蝦！！！嘈完一輪，阿姐前後來回三次說，像機械人般說出熟練的台詞，呢個係特價餐，呢個係特價餐，呢個係特價餐，茅就會轉。真係火都嚟埋！一．廣告大大隻字寫住仲夏宴，不是甚麼特價餐！二．特價餐又可隨意轉菜式嗎？老爸問她，無龍躉係咪拎碟泥鯭來？我地冇$1488，俾$148可以嗎? 出動到海關、商品說明條例、食環、報紙（下刪萬字） 經理來了，拋下一句「轉返碟蟹鉗俾你地，等陣」轉身就走！真相大白，原來有蟹鉗的，但客人必須炒蝦拆蟹一番才食到
4. 一肚氣，荷葉飯也吃完，走了。回家赫然醒起，怎麼桂花糕冇來？！不怪人，只怪自己上錯賊船。
5. 訂位時問有冇泊車優惠，知客說有兩小時，非常好。最後原來一張單兩小時，我們兩架車，每人獲得一小時，很感恩！
題外話，觀塘廣場真係污糟到嚇死人，商場地下的階磚是滑潺潺的，好恐怖！
To be fair，食物味道是ok的，知道$1488這個價錢很平，不應苛求甚麼，但以上說的是原則、服務的問題。如果食完想加送一肚氣，即管去吧！
張貼