更多
2008-07-13
1 瀏覽
聽同事講佢轉左餐牌,所以黎睇下有咩驚喜,不過冇乜特別,但價錢就貴左少少,同埋個餐牌愈來愈似魚一丁,可能係同一集團關係啦6:30黎到已經要排隊,排左半個鐘就有位,呢度D位唔係好闊,但又唔係好迫,不過就熱少少,但都算可以既,招呼亦算唔錯,落單清楚收碟快,幾好,坐下冇耐已經有師父敲鐘話有推介喇,仲好抵食添,即刻叫野食先....今晚叫了以下食物:1.鰻魚手卷$10兩件(係推介食物,味道幾好,鰻魚香軟嫩滑,加上醬汁好味,飯既份量又適中,紫菜又脆,可以話係超值好食)2.芒果魚生沙律$22(唔錯,魚生同蔬菜既份量幾多,而且兩者都幾新鮮,魚生有三文魚粒,吞拿粒魚,鯖魚粒,喜靈魚粒,八爪魚粒,三文魚籽,蟹籽,蟹柳,真係好豐富,個沙律汁都幾好味,酸酸甜甜好醒神,不過如果唔食洋蔥既食友要同佢講走洋蔥呀)3.劍魚腩壽司$22(好肥,油香四溢,魚肉甜美,配一小片薑同食,我覺得效果更佳)4.三文魚架哩鹽燒火炙壽司$13(架哩幾香,但冇辣味,魚油被燒香加上鹽香同魚肉既甜味,配埋壽司飯同食效果不俗)5.中華冷麵$38(估唔到個汁係酸酸辣辣既,不過配合埋D冷麵一齊食都幾爽既,配料有天婦羅碎,蟹柳,蝦,青瓜,夏天食都唔錯
6:30黎到已經要排隊,排左半個鐘就有位,呢度D位唔係好闊,但又唔係好迫,不過就熱少少,但都算可以既,招呼亦算唔錯,落單清楚收碟快,幾好,坐下冇耐已經有師父敲鐘話有推介喇,仲好抵食添,即刻叫野食先....
今晚叫了以下食物:
1.鰻魚手卷$10兩件(係推介食物,味道幾好,鰻魚香軟嫩滑,加上醬汁好味,飯既份量又適中,紫菜又脆,可以話係超值好食)
2.芒果魚生沙律$22(唔錯,魚生同蔬菜既份量幾多,而且兩者都幾新鮮,魚生有三文魚粒,吞拿粒魚,鯖魚粒,喜靈魚粒,八爪魚粒,三文魚籽,蟹籽,蟹柳,真係好豐富,個沙律汁都幾好味,酸酸甜甜好醒神,不過如果唔食洋蔥既食友要同佢講走洋蔥呀)
3.劍魚腩壽司$22(好肥,油香四溢,魚肉甜美,配一小片薑同食,我覺得效果更佳)
4.三文魚架哩鹽燒火炙壽司$13(架哩幾香,但冇辣味,魚油被燒香加上鹽香同魚肉既甜味,配埋壽司飯同食效果不俗)
5.中華冷麵$38(估唔到個汁係酸酸辣辣既,不過配合埋D冷麵一齊食都幾爽既,配料有天婦羅碎,蟹柳,蝦,青瓜,夏天食都唔錯既)
6.赤貝壽司$28(都幾新鮮,好爽脆同好鮮味)
7.北海道帶子壽司$35(呢個反而一般,肉唔係好甜,但口感幾好,希望下次黎會好D啦)
總結食物質素唔錯,環境都尚算可以,周圍都幾乾淨,如果冷氣可以凍番D就正喇,招呼都幾好,價錢都唔太貴,都會成日黎幫襯架
埋單連加一合共$185
張貼