更多
2016-02-05
1942 瀏覽
今晚有幸參與朋友公司的團年飯，在觀塘工業中心的工廈私房菜，一出地鐵站就到，就腳易搵！出lift後好大個招牌!一入門口，見到一排有機菜，真想請教老闆點可以室內都養得咁靚!!私房菜一向給我的印象都係細細間，幾圍枱，秘秘密密咁食好野，今次入到三姐，其實同一間商場食店無分別，我估十幾張枱都可能有，係格仔屏風後就係連開幾席的團年飯局，朋友老闆係真· 香港人，對本地小商戶特別支持，而且甚為識食，好開心被邀請!!一定有好野食!! ~蒿筍絲~還以為是西芹，其實係蒿筍絲，爽口得嚟有新鮮感!~手拍青瓜~青瓜新鮮，皮夠薄!~有機菜沙律~好香麻醬味，醋甜甜酸酸，個胃醒晒!!令我聯想到門口的有機菜!~茶燻流心蛋配魚籽厚茄子~賣相好靚，蛋茶燻味夠香，流心食到口水流，下層係一塊炸脆咗嘅茄子，茄子素來以吸油勁見稱，三姐這道菜又出奇地乾身，加上食左幾款冷盤蔬菜，我放膽大啖咬! 炸醬彈彈地牙，我估除了麵粉或許仲有蛋甚至少少魚肉，點埋碟上的醬汁，口感更出色!!~鱷魚肉燉海底椰~一人一盅真料實料，味道甜，淡淡海底椰香，感覺清潤，鱷魚肉瘦肉燉得好淋，但我唔敢食太多渣，留肚食主菜!! ~嬉水芺蓉~帶子蒸蛋，我欣賞蛋蒸得剛好，口感
出lift後好大個招牌!
一入門口，見到一排有機菜，真想請教老闆點可以室內都養得咁靚!!
私房菜一向給我的印象都係細細間，幾圍枱，秘秘密密咁食好野，今次入到三姐，其實同一間商場食店無分別，我估十幾張枱都可能有，係格仔屏風後就係連開幾席的團年飯局，朋友老闆係真· 香港人，對本地小商戶特別支持，而且甚為識食，好開心被邀請!!一定有好野食!! ~蒿筍絲~
還以為是西芹，其實係蒿筍絲，爽口得嚟有新鮮感!
~手拍青瓜~青瓜新鮮，皮夠薄!
~有機菜沙律~好香麻醬味，醋甜甜酸酸，個胃醒晒!!令我聯想到門口的有機菜!
~茶燻流心蛋配魚籽厚茄子~賣相好靚，蛋茶燻味夠香，流心食到口水流，下層係一塊炸脆咗嘅茄子，茄子素來以吸油勁見稱，三姐這道菜又出奇地乾身，加上食左幾款冷盤蔬菜，我放膽大啖咬! 炸醬彈彈地牙，我估除了麵粉或許仲有蛋甚至少少魚肉，點埋碟上的醬汁，口感更出色!!
11 瀏覽
0 讚好
0 留言
11 瀏覽
0 讚好
0 留言
一人一盅真料實料，味道甜，淡淡海底椰香，感覺清潤，鱷魚肉瘦肉燉得好淋，但我唔敢食太多渣，留肚食主菜!!
10 瀏覽
0 讚好
0 留言
帶子蒸蛋，我欣賞蛋蒸得剛好，口感幼滑，最重要係唔"雅胃"，可以留返空間迎接下味!
~黑松露醬炒斑球~鑊氣十足，松露醬炒都甚有風味，如果油減少返啲就更好了!
4 瀏覽
0 讚好
0 留言
嘩! 每人一隻冰鎭清酒鮑，朋友滴酒不沾，諗住幫下佢手咪浪費啦....點知佢手起刀落就變走咗隻鮑魚了!
淡淡酒香，易切易咬。朋友老闆今次勁有"飛屎"我見啲同事笑晒!!鮑魚魔力之強! 人見人愛!!
15 瀏覽
0 讚好
0 留言
~茶燻雞~店員從廚房捧出沿途已經茶味四溢，皮脆入口有茶味，雞肉滑，雖然較乾身無汁，但亦覺得可口，不過呢.....略帶"小食多滋味" 由於得半隻，size亦算細碼，只能淺嘗淺嘗!
~魚湯浸翡翠苗~菜單上印"時蔬"，心諗或許是西蘭花，頂多是荳苗，點知係翡翠苗，好興奮!! 翡翠苗夠幼嫰，入口完全無渣，私房菜特別用料細心，食到道菜，覺得喜愛綠色蔬菜嘅朋友會喜歡這裡，由前菜到主菜，菜菜都表現出色!!
~糖心黑蒜炒飯~黑蒜可說是紅極一時，用黑蒜炒飯感覺好潮，一上枱亦引起大家熱烈討論黑蒜的神奇功效，連平時唔多食飯既朋友都自隊一碗! 細心看炒飯其實係一碗細心炒飯，蘊含著切碎了的甜荳和黑蒜，真係少份細心都做唔到!! 除了刀功多，炒飯既飯亦粒粒金黃!讚!!
15 瀏覽
0 讚好
0 留言
炸野係我好朋友，黃金轆轆，金銀滿屋!! 配上雪糕一齊食，完美!!
8 瀏覽
0 讚好
0 留言
8 瀏覽
0 讚好
0 留言
朋友老闆派住利事之際，大廚出現，仲好好禮貌咁問我們意見，好多tbb飲食節目feel! 朋友問三姐在哪裡，原來是一個傳奇人物來的....哈哈
細心的我發現，三姐英文名叫Sam Tse，其實是否大廚..名叫Sam哥呢!?? 不得而知，但今晚確係開心同滿足，相比起五星大酒店形式的公司團年飯，我較喜歡今晚的感覺，香港人密密食密密做，由細心出發!!
臨走見到一樽樽的茶葉，茶葉雖然碎，但沒有你們就做不到最好食的燻蛋和燻雞了! 謝謝朋友老闆的團年飯邀請，出年繼續拍我膊頭，關照下小妹，有野做預埋我，我喜歡你這個好老闆，下年再食過!
張貼
