滿記甜品 (已搬遷) 新店位置

其實在前日我剛剛吃完甜品，而且我個人真的不是很喜歡甜食，但同FD行咗一陣街之後就想去坐落黎休息，隨便點啲嘢黎填肚。滿記其實都食過好幾次嘅喇，不過西貢呢間就之前未試過，今日有機會一飽口福。間店嘅店面同其他分店睇落差不多，無咩好講。芒果班戟上枱嘅時候，賣相都唔錯，顏色金黃，好有食慾。一啖食落去，滿口芒果果肉同奶油，好在奶油不是特別甜膩，果肉新鮮又多。俾前日食嘅榴槤班戟嘅味道淡，我更加鍾意食呢個芒果嘅。楊枝甘露我係好多間糖水鋪都食過，滿記楊枝甘露就麻麻。芝蔴餬比較地道，跟平時吃的一樣，芝蔴餬又結又香。