Tulsi & Wine (已結業)

一支公黎到西環，行行下見到依間印度餐廳，好似幾得意，就坐入去試下啦。望下個餐牌，見到有羊架喎，就即刻食肉獸上身，就試佢啦。首先試黎既係南瓜湯 同埋 黑松露印度薄餅南瓜湯好豐富，入口甜甜地，好開胃。個印度薄餅加左黑松露之後亦非常之香，本身我麵幾怕食印度薄餅，因為都怕會好乾，但依度就完全唔會，好軟淋淋，又加埋黑松露，變左想食完再加啦到主菜方面，雖然我係叫左5成熟羊架，但黎到既時候望到 好似overcook左，之後切開，其實都只係見到少少粉紅色。不過唔緊要，生有生既好味，熟食都唔會差既，果然印度版既羊架係唔同啲，應該有好多香料，個醬汁亦唔係我地平時食羊既果種薄和醬，非常特別既一餐。最後餐飲加左20蚊，叫左杯芒果拉西，不過就無唔特別啦，感覺同普通奶昔無咩分別。走既時候見到其他人食既pork ribs同埋雪糕都好似幾好食，下次再黎既時候都會試下。