Gioia Charcoal Grill & Oyster Bar (已結業)

位於西環新開的GIOIA，餐廳以意大利菜為主、仲有生蠔吧、配以紅白酒和手工啤，還有碳燒扒爐作最強後盾。位於轉角位，店面用落地玻璃，店內環境佈置氣氛也不錯，又可以細意觀賞街頭景色，感覺不會焗促。 碳燒智利鱸魚柳 $268鱸魚魚皮燒得好香脆，肉質細嫩白滑、食落相當滑溜、魚味夠濃，爐魚嘅魚油味都好香，好好味呀。好想知道點解啲魚肉可以煮得咁嫩滑，魚皮明明見到係燒烤出嚟喎，經細問後，原來係個碳燒爐嘅功勞，這個爐有燒烤同時又有蒸氣焗的功能。雖然烹調時間稍為耐，要等約20分鐘先有得食，但慢煮碳燒出來的食物堅離地好食，等下都係值得嘅。 Oyster PlatterNew Zealand Rock蠔味不太重，海水味也較淡，肉質CREAMY和帶甘甜。Smoky Bay蠔身細小而帶圓，肉質鮮甜頗爽脆，海水味亦算濃墨西哥粟米脆片＄58佐酒一流的小食，烘得香脆可口的粟米片，面頭沾上點洋蔥醉番茄醬、牛油果醬，食落味道更豐富香口。地中海番茄汁小龍蝦扁意粉＄168意粉均勻著拌著了番茄汁，扁意粉又夠滑，軟硬度也很適中，味道很討好，龍蝦味道雖不算鮮甜，但啖啖肉的口感也不錯，放置面頭的番茄也不是普通貨式，入口爆汁。